Wy Borgemester vnde Ratmanne der Stadt Rostock don wytlyck vnde openbar alsweme dar desse vnse scryffte vor ghetoget werden vnde / sunderghes jw Ersamen he(r)n Borg(er)mestr(e)n vnde Ratman(en) tor wysmer vnsen besunderen guden fronden na by vns is ghe kamen vnse inwoner / Clawes snewe mydt synre erlyken husfrowen vnde heft vns vnder rychtet wo he yn yege(n)werdycheydt synre erlyken husfrowen vor koft heft / wytlykes vnde rechtes kopes yn bywesende her hinrick meyges vnde her hinrick prens vnses rades ledematen dem Ersamen Bernt alsynck de em / denne scholde voruogen sodan su(m)me geldes so se des aneren ghekamen weren vnde de vorbenomede Clawes scholde wedder v(m)me dem vorghena(n)ten Bernt alsink / sodan hus vorschynen laten tor wysmer na loslyker wyse vnde wo(n)heydt des heft de vorbenomede Clawes syne husfrowen auerghesant yn syneme namen / sodan hus to vorscriue(n)de to latende vnde sodan gelt to borende dar er denne hynder ane geschen ys heft de sulueste Clawes vor beroet midt synre erlyken / husfrowen vor vnd erschenen vnde synre erlyken husfrowen vulmacht by ghehenget vnde ghegeuen sodan hus tor wysmer to vorsame(n)de to latende vnde sodan / gelt so dar nastande ys to entfangende vnde to borende quitamaen der haluen to gheuende vnde allent mit de sulueste frowe der halue(n) donde wert wyl de erghe/nante Clawes stede vast sunder rugghetoch holden vnde dar by laten vnde were yema(n)t de der haluen to sprake to dem vorberorden Clawes syck vormu(n)de / to hebbende wyl de sulueste eme yder ma(n)ne nu tor tidt vor vns alse vor synen vorliken rychteren des rechten pleghe(n)de wesen so he syck vor vns vor boden heft / vnde yege(n)wardyge(n) vor vnt yn dessen vnsen scryften Syndt an v(m)me fru(n)tlyken begere(n)de de erlyk frowe yn den drughe(n) mochte ghe vordert werden sunder vurd(er) / vortogery(n)ghe vordane wy tyegen alsweme vnde sunderghes ye(n)ge iwe ersamheyde de wy gode lange sundt beuele(n) alletyt g(e)ne helle(n) ock to merer orku(n)de vnde / mytlycheyt vnser Stat secret benedden an dessen vnsen opene(n) breff late(n) vnde hete(n) hette(n) de ghescreue(n) vnde ghegeuen is tho¹ Rostock am sonaue(n)de vor / jubilate anno (etc.) vyfvndenege(n)tycht /