In godes namen amen. Wye ... ... ¹ vn(de) alle vnse erfnamen de nv sint vn(de) noch tokomende sint vn(de) alle inwon(er)e / des meynen landes to ruyen . bekennen vn(de) dvͦn witlic allesweme in desen openen breuen . dat wye mit wiser vordacht vns eweliken hebben vorbunden mit den / crafteghen .raatma(n)nen old(er)ma(n)nen vn(de) mit den ghemeynen borgheren vn(de) mit allen eren erfnamen de nv sint in d(er) stat to dem stralessunde vn(d) noch komen scholen / vn(d) mit allen inwoneren d(er) seluen stat . by en eweliken to bliuende erer nymm(er)mer af togande in al eren noden vn(d) saken geweht to bliuende by alledeme rechte / als id van oldinghes heft ghewesen in d(er) stat vn(d) in deme lande to ruyen . vͦppe dat desse dink ewich vn(d) stede bliuen . so hebbe wye desse hantuestinghe bese=/ghelet mit vnsen ingheseghelen . desse breue sint ghe gheuen in d(er) stat to deme st(ra)lessunde in dem iare na godes boorth dusent iar drehundert iar in deme sesteynden / iare to twelften daghe