Wie wizslawe van der gods ghenade vorste tuͦ ruẏen . Be kennen vnde be tughe(n) an dessen ẏegenwordeghe(n) breuen , dat wẏ / vnsen truwen ma(n)nen . H(er)n Hinr(ik) . H(er)n borcharde , vnde vicken , den brode(re)n van d(er) ost , vnd eren rechte(n) erf namen hebben gelaten / vnde ghe sat tuͦ eẏnem wedde scatte twe hund(er)t m(a)rc geldes in vseme toln tuͦ me sunde vor twedusent m(a)rc pe(n)ninghe al d(er) dane wis . / dat wẏ nu lest dar mede van en ghe sceden sin , van allen . sculden vnde scaden , den se vͦp vns vorderden , So welken toln(er)s wẏ dar sette(n) , / de scal en be wissen mit besetenen borghe(re)n binne(n) deme sunde , dat he en , od(er) den , den se den toln laten , dat gelt ẏo tuͦ sunte m(ar)tines / daghe vt richte redelẏke(n) alle jar . So wanne wẏ od(er) vnse erf namen en , od(er) den se den tollen laten twedusent m(a)rk pe(n)ninghe geue(n) / so scal de vorsprokene rente vnse vnd vns(er) erf name(n) vrig wesen . Wanne wi au(er) en geuen vͦppe sunte joha(n)nes daghe tuͦ mẏddeme / some(re) twedusent m(a)rk , so scole wẏ vnd vns erf nam(en) de rente in deme tollen tuͦ sunte m(ar)tins daghe vrẏg vinden , Tu er be tuginhe / desser dingh hebbe wẏ vns ẏngesegel Hir tuͦ ghe henghet . Hir ou(er) heft ghe wesen H(er) johan van g(ri)zstowe . H(er) siuerd van / plone H(er) Hinr(ik) van Dechowe . Her johan van dem Bugho . H(er) Conr(ad) van rensowe . H(er) johan sivek(er)e . H(er) Ernst budde . Her Johan / huschol H(er) vicke bere vnse ridd(er)e . Dit is ghe schen tuͦ me sunde , na gods bort dusent Jar . Drehundert Jar . Jn deme / seuenteẏnden jare , an dem achteden Daghe , des hilghen lich(n)ame godes ...