Wi wizslaf van der gnade godes vuͦrste tuͦ Ruẏen , duͦn witlik allen luden in desseme breue / de nu sint vnde noch tuͦ komen scolen , Dat wi mit willen , vnde mit rade vnser truwen / ratgheuen vnde man dor sunderliker vrentscap , vnsen leuen Ratmannen , vnde Older=/mannen , vnde den menen buͤrgheren tuͦ deme stralessunde gheuen vnde laten hebben / eweliken de lenware in alle den scolen in der seluen stat to me stralessunde , also dat / se se lẏen vnde duͦn moghen also dicke , also se los werden , wen vnde weme se willen , dar , / ne scole wi noch vnse erfnamen nummer weder duͦn eder spreken ,, Hir was ouer / Her hinrik van dechowe . Her siuert van plone . Her Conrad vnde her johan Dotenberch , / Her Rickold van deme smachteshaghen . riddere . Her Nẏcolaus starcowe pleban tu Barth . / vnde henning bere vnse voghet tu ener openbaringhe desser dink hebbe wi vnse inghe=/seghel tuͦ desseme breue ghehenghet . Dit is gheschen tuͦme stralessunde na godes bort / Dusent iar . drehundert iar vnde neghenteẏn iar des sunnendaghes alse men singhet , / Judica me deus