Wi wizslaf van der gnade godes vuͦrste tuͦ Ruẏen duͦn witlik allen luden in desseme breue de nu / sint vnde noch tuͦ komen scolen , Dat wi mit willen , vnde mit rade vnser truwen ratgheuen / vnde man dor sunderlike vruntscap vnsen leuen Ratmannen vnde oldermanne(n) , vnde den / menen borgheren tuͦ deme stralessunde , gheuen vnde laten hebben eweliken de lenware in / alle den scolen in der siluen stat tuͦ deme stralessunde , also dat se se lien vnde duͦn moghen also / dicke also se los werden , wen vnde weme se willen ,, Dar ne scole wi noch vnse erfnamen / nummer weder dun , eder weder spreken . Hir was ouer her hinrik van dechowe . Her siuert / van plone . Her Conrad vnde her Johan Dotenberch . her Rickold van deme smachteshaghen / riddere . her Nẏcolaus starcow pleban tuͦ Barth , vnde he(n)ning bere vnse voghet ,, Tuͦ ener / openbaringhe desser dink hebbe wi vnse ingheseghel tuͦ desseme breue ghehenghet ,, Dit is / ghe schen to deme stralessunde na godes bort dusent iar , drehundert iar , vnde neghenteẏn iar / des su(n)nendaghes alse men singhet , Judica me deus ,,