Wy wyzlaf van der genade godes vorste to Ruyen allen cristenen luden / de desse scrift sen adder horen ewech heyl an gode . Wy don witlik allen / luden de nv sin vn(de) noch tokomende sint . Dat wy mit guden willen vn(de) / mit rade vser truwen ratgheuen vsen leuen ratman olderman vnde / den meynen ynwonren vser stat tome stralessunde . Eweliken ghegheuen / vn(de) ghelaten hebben . also lank alse ere scheyde is des solten wateres . / Den vorstrant an beyden siden des solten wateres beyde to Ruyen vn(de) / vppe desse syde . dar de stat tome stralessunde licht mit alleme eghendome / tho eres stades rechte , De vorstrant schal wesen an allen enden dar oͮuer / is . van dem water wente an den hoghen oͮuer , dar neyn oͮuer is . Dar / schal de vorstrant syn van dem watere vyer roden lang breyt wente / vͦppe dat lant . wenne id euen water is . De anderen hantfestinghe de / dy ratman hebben vppe de scheyde des solten wateres , de scholen blyuen / also se syn . vppe dat desse ding eweliken stede blyuen so hebbe en dessen / bref dar vp ghe gheuen beuestet mit vsem ingheseghele . Hyr to sint / thughe Vse riddere her syuert van plone her thvn vse marschalk . her / he(n)ning dotenb(er)ch vn(de) her Reynvert van penyz vn(de) her hinrik bokeman / vn(de) mester Johan blawe vse kentzeler . Desse bref is ghegheuen tome / stralessunde na godes bort Dusent jar Drehundert jar eyn vn(de) twintech / jar , in dem dredden sondaghe na paschen