Wyzlaf van der gnade godes vorste to Ruyen allen cristenen luden , de desse scrift sen adder horen / ewech heyl an gode . Wy don witlik allen luden de nv sin vn(de) noch tokomende sint . Dat wy / mit guden willen vn(de) mit rade vser truwen ratgheuen , vsen leuen ratman olderman vnde / den meynen ynwonren vser stat tome stralessunde . eweliken ghe gheuen vn(de) ghelaten hebben / also lank alse ere scheyde is des solten wateres . Den vorstrant an beyden syden des solten wateres / beyde to Ruyen vn(de) vͦppe desse syde . dar de stat tome stralessunde licht , mit alleme eghendome / tho eres stades rechte , De vorstrant schal wesen an allen enden dar oͮuer is . van dem watere / wente an den hoghen oͮuer , dar neyn oͮuer is , dar schal de vorstrant syn van dem watere / vyer roden lang breyt wente vͦppe dat lant . wenne id euen water is . De anderen hantfestinghe / de dy ratman hebben vppe de scheyde des solten wateres . de scholen blyuen also se syn . Vppe dat / desse dink eweliken stede bliuen , so hebbe wy en dessen bref dar vp ghe gheuen beuestet mit / vsem ingheseghele . Hyr to sint thughe vse riddere . Her siuert van plone . her thvn vse / marschalk . her / he(n)ning dotenberch . her reynvert van penyz . her hinrik bokema(n) vn(de) mester / Johan blawe vse kentzeler . Desse bref is ghe gheuen tome stralessunde na godes bort Dusent / jar . Drehundert jar in dem eyn vn(de) . twintechsten jare . in dem dridden sondaghe na paschen