Wẏ Wẏzslaf voͤrste tho Ruẏen bekennen vn(de) betughen openbar(e) Dat Wẏ dor menghes denstes wille(n) / don vns vnse Ratma(n)ne , Olderlude vn(de) mene(n) borghere vnser stad tho dem Stralessu(n)d vele ghodan heb/ben , gheuen vrẏ vn(de) laten , den sulue(n) , vn(de) ere(n) ewẏghen nakomelinghe(n) , al vnse watermolen vn(de) wint=/molen , vor der stad darsulues Jn ere(n) grauen vn(de) buthen mẏt tho ualle alles waters , de see mẏt grin=/don meren vn(de) bethere(n) moghe(n) wo see willen , vn(de) ghu(n)nen en , dat see wederkopen vn(de) lose(n) moghe(n) wes / Wẏ edder vnse oldere(n) dar ane vorkoft edder vorseet hebbe(n) tho brukende vrẏ vn(de) tho besittende , vort / mer wes see koft hebben , edd(er) noch kopen moghen , an vnsem vorstendom tho Ruẏen tho vns(er) stad ed=/der vnser borgher(e) nuͦt mẏt eghendom , Dat scal erue(n) , also wol vppe vruͤwe(n) also vppe ma(n)ne vnd(e) / vort eruen oft dat leghe an lubesche(n) rechte ,, vortm(er) wes dar licht an ere(n) eghe(n)dom tho leenrechte / edder tho ma(n)rechte dat scole(n) vnse Ratma(n)ne tho de(m) su(n)de vorbenomed , vn(de) ere mene nakomelin=/ghe leue(n) tho ewẏghen tẏden vppe dat desse dingk ewelike(n) , stede vn(de) vast bliue(n) , So hebbe wẏ en / dessen bref gheue(n) besegheld mẏt vnsem Jngheseghel hirtho sint tuͤghe her zẏuard va(n) plone / her Thuͤn vnse marschalk . her he(n)ni(n)gh Dothenberch her Reẏnfrid va(n) peẏnittze , her hinrik / bøkema(n) vnse ridd(er)e , vn(de) meẏst(er) Johan blawe vnse kenseler , ghegheue(n) tho de(m) stralessu(n)d na ghodes / boͤrd dusent iar Dre hu(n)derd iar Jn de(m) en vnd(e) Twẏntigeste(n) Jare Des verden sondaghes na / paschen