Vor allen Jenen de desse scrifft werden zeͤe[n] [...]Zanes ¹ eẏn ridder , Borante vnde tetze knapen vnde brode(re) / geheiten van putbuske , Heẏl vnde lutter leue Jn gode To ewigher dechtnisse desser nagescreuen(en) ding / So do wi witlik allen ieghenwardigen vnde tokome(n)den luden dat wi mid vnsem wol vorbedachtem / Rade vnde vnsem vrẏgem willen und mederade vnde vulbort vnser leuen vedderen Stoyslaues vnd(e) / Borante(n) riddere van putbuske genomet vnde ok mid alle vnsen erffnamen vnde vnser olderen recht / vnde reddeliken vorkoft vnde vorlaten hebben vor iiij (hundert) m(a)r(k) pe(n)ninge Sundisscher mu(n)te de vns vor / der makinge desser breue ghentzliken getalt vnde wol betalet sint dem bescheidene(n) ma(n)ne tiderico / van Culpen borgere to deme sunde vnde ludeken sẏneme sone vnde eren rechten ewigen erfnamen / Jn tynse iiij last kornes to entfangende vnde vptoborende jn den hoͤuen der dorpe nagescr(euene) Jn dem / dorpe to mildessowe Jn deme hoͤue dar nv kort jnne wonet vnde diderik sẏn sone iij dromet roggen / tyns j dromet ghersten vnde ij dromet haueren van ij hoͤuen Jt(em) jn godeken Joha(n)nis sons hoͤue / iij dromet roggen j dromet gersten vnde ij dromet haueren van twen houen Jt(em) jn herman / ostermans houe xviij schepel roggen vj schepel gersten vnde j dromet haueren van eyner hoͤue / Jt(em) jn di[derik] boẏtẏns watermolen vj Schepel roggen vj schepel gersten vnde vj schepel ha=/ueren [...]sliker hoͤue desser vorgescr(euenen) hoͤue v sol(lidi) jarlikes tẏnses Swinepenninge , / Jt(em) Jn dem dorpe to dem Cordeshaghen jn hinrik bresemans hoͤue ij dromet vnd(e) ij Schepel / roggen ij dromet vnd(e) ij schepel gersten iiij dromet vnde iij schepel haueren van twen / hoͤuen min j verdendeil jt(em) jn hinrik luchterhant hoͤue ix schepel roggen ix schepel ghersten / vnde xviij Schepel haueren van eẏner haluen hoͤue Jt(em) jn deme houe joha(n)nis hinrik bresema(n)s / sone ouengescr(euene) j dromet roggen j dromet gersten vnde ij dromet haueren van eẏner hoͤue / vnde eẏme verdendele Mid beͤde Rechte vnde mid deme groten vnde kleẏnen gerichte mid aller / vrucht vnde nutticheit der vorgescr(euenen) tẏnsere Alse wi se wente her to vnde vnse olderen gehat / hebben , to ewigen tiden to besittende , vnde also gantz vrẏg dat se noch vns noch vnsen erfname(n) / noch vnsen nakomelingen noch vnsen vogheden jn neẏnen densten de van den vorgescr(euenen) tinseren plichtich sint noch jn neẏnen bezwaringen Desser ouengescreuen(en) tughe sint berteram / van trauemu(n)de diderik Schele vnde bernt van dorpen Rathmanne to dem Sund(e) Jn welker / [sake] ² tuchnisse Sint vnse jngesegele gehangen an dessen breff Ghe gheuen vnde gemaket / to dem Sund(e) Jn den jaren vnses heren dusent drehundert xxvi des midwekens na deme achteden daghe Na der hilligen drekoninghe dage