In godes namen amen. Alle den, de desse ẏegenwordegen scrift sen eͤdder hŏren den enbede wẏ riddere knapen vnde de gantze menheẏt des landes to Ruẏen dat bevloten is mit deͤme / solten watere ewegen heẏl an gŏde. Wi bekennen des vnde betuͦgent ŏpenbare in desme ieͤgenwordegen breue dat wẏ usic endraghtliken ver enet vnde ver bunden hebben ewegliken mit den / ratmannen oldermannen vnde mit der gantzen menheẏt der stadt tŏme Stralesunde alduͦsdane wẏs dat wi en scolen erstan al eͤres reghtes vnde wẏ en scŏlen mit neneme heͤren deͤgedinghen edder / nenen heren nogh vŏremuͦndere keͤsen ane eͤre ẏawort, rat, vulbort vnde wille vnde wẏ scolen bi en bliven gantzliken tŏ dẏe vnde to verderve Ok enscŏle wyͤ nenerleẏe degedinghe deͤgedinghen mit ẏene-/geme heͤren eͤdder tŏn eneme heͤren kuͤren et en si deͤger mit eͤreme rade vnde mit eͤreme willen vnde scolen se vore deͤgedinghen lik vs in allen stuͤcken. Vortmer en scole wẏ eͤrer night afstan / men wẏ scolen bẏ en ewegliken bliuen in al eͤren noͤden. Vppe dat dat alle desse dinc ganz steͤde vnde vast ewegliken werden ghehŏlden . so hebbe wi riddere vnde knapen de hirna bescreven sint / den eͤraftigen luͤden, den ratmannen vnde den oldermannen der stat tome Stralessunde vntruwen ghelŏvet mit sameder hant vnde hebben dessen bref en dar up ghegheͤven den wẏ mit unsen ẏnghe-/seͤgelen hebben ghe vestet . Dit si wẏ, de dar gheleͤuet hebben:

her Stoẏslaf Borante van Putbuzk , Rickolt vanme Smaghteshagene , Theͤtze Stanghenbergh , Hinric mit der Plate , Hinric van deͤme Bughe / Conrad van deͤme Bughe , Merten Rodemunt , Willeken mit der Platen , Johan Bruneswic , G_zslaf S_m , Rŏlof van Tornouwe , Claws van deͤme Wolde , Udo , Hinric van der Osten , riddere / Borante vnde Thetze van Putbuzke , luͤtteke Slaweke , svarte Slaweke , Herman van Vicen , Pritbor Rodemunt , Pritbor van der Lanken , Sulislaf van der Lanken , Thomas mit der Platen , Henneke van der Ost / Vico van der Ost , Pribe Gaweren , Willeke vnde Tesslaf Pribensŏne , Claws Slawenovitz , Frederic Quaaz Henneke Vẏritz, Claws Vẏritz , Ralic vnde Henneke , sin brŏder , Suum , Thideke Suum , Henneke van / deͤme Kalen , Claws van deͤme Kalen , eͤverd van Peͤretze , Jacob Zabecitz , Claws Wusseke , Hinric van der Helle , Luͤdeke Plotze , Bernard Plotze , Reẏner Grundẏs , Conrad van deͤme Bughe , Thetze / Bruneswic , Krakevitz , Tesmer Norman , Henneke Norman , Claws Norman , Jacob Bŏnouwe, Arnold Bŏnouwe , Peter van Lobbẏn , Barnus Pŏsdevolc , Tesdargh Pŏsdevolk , Tzitsebur , Dargomer , Herman van oͤas=/munde , Henneke Smantevitz , knapen Desse bref is ghe gheͤuen vnde ghe screͤuen na gŏdes bort dusent ẏar drehundert ẏar in deͤme ses vnde tvintegesten ẏare in deͤme auende der hemmeluart unser vruwen