Dit is dat antwarde der ratmanne(n) vame sunde yeghen de claghe / des erbaren heren h(er)toghe albrechtes van mekelenborgh alse vmme/ sẏnes mannes kecht de ghehalet wart tome b(er)toldesh(agen) alse hedaghet / dar segge wi aldus tho . de kerke tho lepelow wart vpghebroken / by nachtyden vn(d) dar wart vt ghenomen de buͦsse vn(de) buͦdel dar gho=/deslicham ynne was vn(de ghodeslicham wart ghestørtet vppe dat / altar vn(d) vort tho den suluen tyden wart vp ghebroken ene kiste i(n) der suluen kerken dar vt ghenomen worden kled(er)e vn(d) smẏde / becher wen hundert mark dat thid beren wif tho horde / des red thid bere tho deme voghede tho damgar alse tho h(er)man / nipritzen vn(d) kuͦnghede vn(de) claghede syne nod vn(de) schaden vn(de) / seghede he wuͦste wol den kerkenbreker vn(de) den def de em / den schaden dan hadde vn(de) he w(er)e thome b(er)toldesh(agen) . des red / h(er)man nipritze mid thid beren also en bederue man mit den / synen . des begrep thid bere synen rechten k(er)kenbrek(er) dar ¹ vn(de) synen / def to dem b(er)toldesh(agen) . des bat he vmme rech(t) dar was nuͦm(m)ent / de em richten wolde . des vørede thid bere ene ² to ribbenitze van / ribbenitze tome sunde vn(de) wart dar en klegher vn(de) wan dar / synen kerkenb(re)ker mit alme lubeschen rechte . vn(de) de k(er)kenb(re)k(er) / wart dar sulues . alle desser stuͦcke vn(de) sake eyn bekannt man / vn(de) de buͦdel dar ghodeslicham ynne wesen hadde den vuast me / by em dar sulues . Vortm(er) also vmme dat perd alse in der klaghe / steyt dat en quam nẏ in vse were noch tho vnser behof . men / thid bere de behelt dat de der reyse en recht houet ma(n) was / hir bouen so hope wi dat wi an dessen stucken vn(de) saken / yeneghe veste mit rechte vorboret hebben des gha wi / tho den h(er)en alse h(er) joh(an) van plesse den ratma(n)ne(n) van rozstock / vn(de) den van der wismar