Den erlichen ratmannen to deme sunde bẏde ich ghodeke sweph ¹ mẏnen wilgen denest to wetene is / mẏ ghe worden . dat ghi veleghe daghe hadden ghe sproken van ener sẏde tusken her en al=/brecht houenere vnde arnde mẏnen bruͦdere . van der ander sẏden tusken tẏdemanne van den / bernne vnde sẏnen vrunden de den stock hebben vp ghe howen to panzenitze bẏnnen dessen / daghen de gẏ ghe sproken hebben de² weren en sonderẏghe to gẏnet vnde hadden ene sam=/melvnghe vp mẏ ghe maket . men dat mẏ ghude lude hulpen dat so der nẏne macht en had=/den . vnde hebben oc bẏnnen desser wẏlecheit twen borgheren de ere not ghe claghet hebben / snode wort ghe sproken . vnde mẏ . men ich hebbe mẏ vor antwordet . vnde hebben mẏ vnde mẏnen / vrunden vntseghet an vse leuen . Dat hebbe wi³ van iwen borghere tẏdemanne van den bernne de des=/ser dẏnghe en houetman is vnde en toschmider . vnde bẏdden iw dor got hir vmme dat gẏ vns helpen / enes likes van tẏdemanne van den bernnen . were dat . dat gẏ mẏ des liken nicht helpen muchten /so wil ich es mẏ helpen also alse ich irst kan vnde mach . vnde bẏdde iw hir vmme dat gi mẏ wellen / sennen en antworde bẏ desseme tieghenw(or)dighen bode . sc(ri)ptu(m) meo s(u)o(rum) sigillo .