Wi ratman . vnd de menen borghere der stad thuͦ deme stralessunde bekennen vnde betughen / openbarliken in desser ieghenwardighen scrift dat wi vm al de schelinghe vnde twidracht de / van dessem orlighe vpstan is . twischen dem edelen vorsten . hern magnus konig thuͦ sweden vn=/de thuͦ norweghene vnde sinen helperen af ener side vnd vns . vnd vnsen borgheren . vnd vnser / stad vorbenomet . af ander side sin gheblouen vnde ghe gan vpp de edelen heren Greuen / Gunthore van swarczebuͦrch . vnd albrechte heren van mekelenborch . so wat se vns bi eren eden / dar vmme spreken . an minne of an rechte . na claghe . vnde na antworde de wi dessen vor=/benomeden heren vp antworten scholen in der stad thuͦ rozstock in sante nicolaus daghe de nu / neghest kuͦmt . vnde dar selues scolen se des warden mit voller macht vnd des se ok dar / selues scolen ene entschedinghe duͦn . in deme daghe epẏphanie d(omin)i de dar neghest kuͦmt / alse de breue thuͦ spreken de dar vp ghe maket sint dat wil wi stede vnde vast / holden . vnde vntobroken . dat betughe wi vnder vnseme ÿngheseghele . dat an dessen / bref ghehenget is . na godes bord Dusend drehundert . in deme twe vndeuertighesten iare / des sondaghes na sente dẏonisiuͦs daghe