Wẏ Johannes Jacob brodere ghe Nomet Tribuses be ke(n)nen / openbare in desseme jeghenwardighe(n) breue Dat vẏ vnde / vnse reghten erfname(n) reddelike(n) hebbe(n) vor late(n) vnde vor / coft wolter doninghe vnde Elzeben sine(m) vẏue vnde ere(n) / reghte(n) erfname(n) tvelf marc ingheldes in vnseme houe to / deme kedinghehaghe(n) vor tvẏntigh m(a)r(c) vnde hu(n)dert de vẏ / rede vp ghe boret hebbe(n) . Des negheste(n) daghes su(n)te andreas . / desse rente wlle(n)kome(n) vt to gheuende veret dat vẏ des nicht / en dede(n) so gheue vẏ wllenkomene maght desse(n) vorsprokene(n) / lude(n) to pande(n)de vnde mit de(n) pa(n)de(n) to ware(n)de also en paght / reght is . vnde scolens vare(n) jar vnde dagh vor aller anspra=/ke . Nen desse vorbenomede wolter vnde sin vyf gheue(n) vns / de maght desse rente vedder to cope(n)de binne(n) tven jare(n) vor / tvintigh marc vnde hu(n)dert mit der re(n)te in desser vorbenomede(n) / hoghtit vt to gheue(n)de veret dat vẏ Binne dessen tven jare / sostigh marc vt gheue so scolen sos marc gheldes los vesen losede / vẏ es oc nicht binne(n) tven Jare(n) so scallet ere enighe cop bliuen / vorde en borst vnde brake to me kedinghehag(en) so scole(n) se pa(n)de(n) / vn(de) neme(n) . vt vnseme redeste(n) gode vor set vete(n) . desse stücke to / holde(n)de ¹ dat loue vẏ mit eẏner samede(n) hant in desser scrift Vn(de) / he(n)ghe(n) vnse ingheseghel to eẏner be tuͦging(e) vor desse(n) Bref Na / godes bort ghe screue(n) duͦsent jar vn(de) dre hu(n)dert jar in deme / dre vn(de) sostegeste(n) jare in su(n)te Elzeben daghe der hilg(en) vedeue(n)