Wy cla(wes) , bruͦnyng , vnde vicke brodere gheheten vos bekennen vn(de) betuͦghen / in desser yeghenwardighen scrift dat wi mit vnsen vruͦnden alse mit / ridd(er)en vn(de) guden luͦden de thome schilde vn(de) helme gheboͮren sin der / veerteyne mit helme(n) wesen schølen vn(de) soͮs schuͦtten mit ereme vulle(n) / harnsche Denen schølen Den erliken luden den ratmanen der / stad tome stralessunde van paschen neghest anstande wente des / neghesten daghes suͦnte michels des hilghe ertze(n) enggels uppe / vse køste vnde schaden bet in de stad tome straless(unde) vor dessen denst schole(n) se gheuen eme iewelken beyde schutten un(de) wapaner teyn mark suluers to solte de mark suͦluers to losende vor veer / sundesche mark Des hebbe wi des gantze(n) zoltes de helfte vnt/fanggen vn(de) is vns bered to der nøghe eer desse bref ghescreuen / ward Vortm(er) u(m)me dat ik cla(wes) vos vorben(omeden) eres kryghes en ho=/uetman wesen schal so scholen se mi gheue(n) Vor myn vørdel / vif hundert mark sundescher pen(n)ynge Der hic ¹ alrede vntfange(n) / hebbe drehundert mark sundesch , Were ener dat der stad / hovetlude dede ouer theen mit mi , seggen went wi wedder / to lande kamen , dat ik en to dangke nicht ghedenet hadde , / so de(n)ne schole(n) se² hundert mark hir ³ vnder beholden van der / anderen helfte des zoltes de myne vrund vpboren scholen / to suͦnte michels daghe Vortm(er) so is dat also dat de / rad vanme sunde vnser vruͦ(n)d dat halue iar van / suͦnte michels daghe wente to pasche(n) vord bedarf to ereme / denste dat schal an en stan , so schole(n) se geue(n) vnsen vruͦn/den alsodane(n) zolt alze dar vorscreuen steyt Vnde vm(m)e myn / vørdeel dat schal stan tome rade van deme sunde vn(de) to / hern reymer mynembroͮder de(n) pape(n) in ⁴ alle desse vor(benomede) / stucke lowe wi Cla(wes) bruͦnyng , vn(de) vicke vorben(omede) mit ener / samende(n) hand en troͮwen Den borghermest(er)en vn(de) den ratmane(n) / tome sunde stede vn(de) vast toholdende tho ener groter betughinge / desser dyng so hebbe wi vnse Jngheseghele ghehenget heten vor / dessen bref de ghegheue(n) vn(de) screue(n) is vpme rathus tome sunde na godes bord dusent iar drehundere ym(m)e achte vnde / sostigh(esten) iare des neghesten daghes name suͦnadach to palmen