Wẏ Bertram wuͦlflam . vnde Johan vreen . Borg(er)mest(er)e to deme / st(ra)lesunde . lambircht buͦcwolde . vnde Sẏuerd van der bruͦgghe knape(n) / bekenne(n) des openbare an desser iegenwerdighen scrift . Dat wẏ ghe/esschet vnde ghe beden sint . van deme abbete vnde kouente to hidde(n)ze / van der enen zide . vnde van hans priben . vnde pribe schutten brud(er)e . / vnde van Reẏneke schuͦtten van der anderen ziden . ene mẏnne eder / eẏn recht to kesende vnde to sprekende . v(m)me de schelinghe . de ze hadde(n) / v(m)me dat werder . dat dar is ghe nuͦmet Radmers werder . dat / dar licht bẏnnen der schede des sinxtes . Des hebbe wẏ anghe seen . / de redelike be wẏsinghe des vorb(enomeden) . abbetes vnde konuentes vnde hebbe(n) / en to ghe sproken . Dat vorb(enomede) werder . also dat de vorb(enomeden) . hans . pribe . / vnde Reyneke sik altes nicht dar inne hebben vnde scolen beholden . vnde / nene hindernisse deme abbete vnde deme kouente scolen duͦn . Tho eẏ=/ner betuchnisse desser stucke . So hebbe wẏ vnse Jngesegele ghehanghen / vor dessen bref . Ghescreue(n) to deme sunde na godes bord dusent iar / drehundert iar jn deme achten vnde sestighesten iare des achten daghes / na suntte marcus daghe des hilghen . ewangelisten