Vy borghermestere vnde ratmanne der stad tome stralessunde alse herman / van deme rode . hinr(ik) schele bertram wulflam Johan wreen ludeke van / kuͦlpen hinr(ik) druͦdener herman van dorpen albrecht broyeland herman / rẏbe thideman van biuen ¹ bekennen vnde betuͦghen openbare an desser scrift dat wi / hebben verkoft reddeliken vnde rechtliken mit eyner menen endracht vn(de) / mit beradenen mode . Her Jacob plescowen eneme borghermestere to lubeke / vnde synen rechten erfnamen vnde nauolgheren vif vnde seuentigh mark / gheldes vnser muͦnte . Desse vorbenomede(n) viif vnde deuentigh mark ghel=/des schole wi vtgheuen to twen tiden yewelkes yares . her Jacob plescowen / efte syneme rechten boden wene he dat beuelet vp toborende bynne(n) vn=/ser stad tome sunde . alse uppe wynachten achte halue mark vnde dortigh / vnde to suͦnte Johannes dagh to midden somer achte halue mark vnde / dortigh sunder ẏenegherleẏe hinder desse vorbenomede(n) viif vn(de) seuen=/tigh mark gheldes hebbe wi deme vorbenomede(n) her Jacob plescowe(n) vnde / synen rechten erfnamen verkoft vor neghenhundert mark vnser penyn=/ge de wi untfangen hebben vnde an vnser stad nud ghekeret hebbe(n) / Vnde desse yarlikes renthe schal vrẏg wesen vorschot vnde allerleye vn=/gheld vnde denst vnser stad to doͮnde Vortmer so verbinde wi vns in / desseme breue , dat wi desse vorbenomede renthe scholen vtgheuen vm=/beworen alse vorscreuen steẏt sunder hinder yeneghes orloghes efte hin=/der yeneghes p(er)sonen he sy ghestlik edder werlik Vortmer were dat wi desse renthe vorbenomet nicht vtgheuen vppe de tẏd vorbenomet wat / schaden de vorbenomede her Jacob plescowe vnde syne erfnamen dar af / nemen den schole wi en vprichten Vortmer so hebbe(n) vns Her Jacob / plescowe vorbenomet vnde syne erfname(n) ghegheuen Den wedderkoop / Desser renthe vorbenomet dervruͦ(n)tschop willen De se mit vns hebbe(n) dat wi desse vorbenomede(n) viif vnde seuentigh mark gheldes moghen wed=/derkopen wan wi willen vor neghenhundert mark sundescher muͦnte / Vnde wan wi des willen hebbe(n) so schole wi her Jacob plescowen efte syne(n) / rechten erfnamen vorscreuen to seggen eyn half yar to voren vn(de) ghe=/uen en ere neghenhundert mark vorbenomet mit der renthe also id sik denne bored alse to wẏnachten vnde suͦnte Johannes dagh vorbenomet / An ene betuͦgnisse vnde bekantnisse desser stücke de vorscreuen stan so heb=/be wi vnses stades grote Jngheseghel van vnser rechten witschop vor / dessen bref gheghangen vnde is ghegheuen in der stad tome sunde / na ghodes bord dusent yar drehundert yar yn deme achte vn(de) sosti=/ghesten yare yn deme daghe sunte Joh(annes) baptisten also he gheboren