Jn godes namen amen Wẏ wartzlaf vn(de) buggezlaf broͮdere de Juͦnggeren van der / gnade ghodes hertoghen tho stetyn Der wenden Der Cassuben vn(de) vorste(n) tho Ruͦyen / Bekennen yn desser scrift openbare vn(de) betuͦghen Dat wi mit Rade vnser truͦwe(n) / Ratgheuen hebben vorsettet vnde vor laten vnde laten yn desser ẏeghe(n)wordyghe(n) / scrift Deme Erbaren manne he(re)n bertram wlflam ene(n) borghermest(er)e thome stra=/lessunde vnde synen Rechten erfnamen Druͦthtigh mark gheldes yn vnser bede / yn den Dorpen tho garlepowe vnde tho Ruddeuitze boͮuen de twyntych mark / gheldes de se hebben yn den suluen dorpen De vnse vedd(er)e vnde ik h(er)toghe Wart=/zlaf vorben(omede) en beseghelt hebbe(n) alle yar tho sunte mertens daghe vpthoborende / sunder yenegherleye hinder edder wedderstal vor drehundert mark sundescher / pe(n)nynge De se vns guͦtliken gheleghen hebben tho vnser vengnisse tho helpe des=/se vorbenomede(n) druͦttich mark gheldes scholen se hebbe(n) mit alleme Rechte mit / deme hoghesten vnde mit deme sidesten vn(de) dar bouene de muͦntepe(n)ninge / dar sulues also vrẏ alse wi De suluen Renthe vn(de) muͦntepennynge mid aller / nud in den sulue(n) vorben(omeden) Dorpen ghehat hebbe(n) Desse vorbe(omede) Renthe moghe / wi wedder losen v(m)me De vor(benomede) su(m)me des gheldes Dat desse dyng stede vn(de) / vast gheholden werden Dat loͮue wi hertoghe wartzlaf vn(de) buggezlaf vorben(omede) / he(re)n bertram vn(de) synen erfname(n) yn desser scrift Tho ener hoͮgh(er)en bewarynge / desser stucke so hebbe wi vnse Jngheseghele laten henghen an dessen bref / De is ghe gheuen thome stralessunde Na ghodes bord druͦtteynhundert yar / yn deme neghen vn(de) sostighesten¹ yare des neghesten daghes sunte katheri=/ne(n) Der hilghe(n) yunkvrowen thuͦghe desser dyng synt de erlike lude her /wedegho buggenh(agen)? marschalk her engelke manduuel kamermest(er) her hinr(ik) / van yasmuͦnde kokemester her albrecht van helpte Ridde(re) her hinr(ik) schele / h(er) johan wreen borghermeste(re) tome suͦnde vn(de) vele meer guder lude deloͮ/uen wert syn