Wẏ borghermestere vnde ratmanne Der [stad] ¹ Thome stralessunde alse h(er)man [...] / hin(rik) schele bertram wlflam johan wreen johan rughe ludeke van [...] / hin[rik] Cruͦdener her[man] van dorpen albrecht broyeland . herman ribe [Thideman] / [van] buͦren borch[ard] plotze . wolter / van osenbruͦgge . borchart van santebur lude/[ke] ghise gherd lowe johan yordens jacob grisenbergh Engelke van Daluitze / [jo]han grisenbergh Conrat witte Jacob swertsliper Thideman van vnna henẏngh / [va]lke clay rockart Thideman cruͦdener johan van der heẏde albrecht ghildehus / [ar]nt van zost vnde gregorius swertyng bekenne(n) vnde betuͦghen openbare in / [d]esser scrift Dat wi rechtliken vnde redeliken hebbe(n) verkoft mit eyner menen / [en]dracht vnde mit beradenen moͮde hinr(ik) sacke deme elderen eyneme borghere / [tho] lubeke vnde synene rechten erfnamen vnde nauolgheren vẏftigh mark gheldes / [lu]bescher pennynge Desse vorbenomeden vyftigh mark gheldes schole wi vtgheue(n) / [to t]wen [thy]den yewelkes yares hinr(ik) sacke efte synen rechte(n) erfname(n) efte eren / [recht]en boden weme se dat beuelen vpthoboͮrende bynnen vnser stad thome sun=/[de] alse uppe suͦnte johannes dagh baptisten alse he gheboͮren ward vif vn(de) twin=/[tig]h vnde tho wẏnachten vif vnde twyntigh mark sunder yenegherleẏe hinder / [vn]beworen . Desse vorbenomede(n) vyftigh mark gheldes hebbe wi deme vorbenomede(n) / [hi]nr(ik) sacke vnde synen rechten erfnamen verkoft vor soshundert mark lube=/scher pennynge De wi vntfangen hebbe(n) vnde an vnser stad mid ghek[e]ret heb=/[be]n vnde desse ẏarlikes renthe schal vryg wesen vor scho[lt] vnde vor allerleẏe / [vn]ghelt vnde denst vnser stad to donde Vortmer so verbinde wi vns in desseme / [br]eue Dat wi desse vorbenomede(n) rente scholen vtgheuen vnbeworen alse vor=/[sc]reuen steyt sunder hinder yeneghes orloghes efte hinder yeneghes personen / [he] sy gheystlik edder werlik Vortmer were dat wi desse renthe vorbenomet / [ni]cht vtgheuen vppe de tid vorbenom[et] wat schaden de vorben(omede) hinrik sake / vnde syne erfnamen dar af nemen Den schole wi en vprichten vortm(er) so hebbe(n) / vns De vorbenomede hinr(ik) sak[e] vnde syne erfnamen ghegheuen den wederkop / desser renthe vorben(omede) Der vru(n)tschop wille(n) De se mit vns hebbe(n) Dat wi desse /

vorrscreue(n) vyftigh mark gheldes moghen wedder kopen wan wi wille(n) Vor / soshundert mark lubescher pennynge vnde wan wi des wille(n) hebbe(n) so schole / wi hinr(ik) sacke efte synen rechten erfnamen to segghen eyn half yar to vore(n) vn(de) / gheuen en ere soͤshundert mark vorbenomet mit der renthe also id sik de(n)ne / [bo]ret alse to suͦnte johannes daghe vnde to wynachten vorbenomet an ene / betugnisse vnde bekantnisse Desser stuͦcke de voscreue(n) stan so hebbe wi vnses / stades grote jngheseghel mit vnser rechten witschop vor dessen bref ghehan=/[gh]en De ghegheuen is in der stad thome sunde Na ghodes bord dusend yar / [dr]ehundert yar in deme neghen vn(de) soͤstighesten iare in alle ghodes hilghe(n) / [au]ende