Ik fredrẏk van arneholt bekenne vnd(e) betuͦghe openbar an desser/ schrẏft . vor mẏ vnd(e) vor alle de ẏene . dar ẏk mede ghedenet / hebbe . den erlẏken he(re)n . den ratma(n)nen . der stad thome stra‑/lessu(n)de dat ẏk den tzolt therẏngge vnd(e) schaden van vnser aller / weghene gantzlẏken vp ghebøret hebbe vnd(e) vuͦtfangghen vnd(e) gutlẏken betalen bẏn van dessen ratmanen vorben . vortmer leue / yk vnd(e) sta dar vor . van vns(er) aller weghene . alse wẏ en ghedenet / hebb(e)n . dat dar nẏne na manẏgghe vm(m)e scheen schal . ẏn tho / kome(n)der tẏd . tho ener betuͦghenẏsse vnd(e) ener hogher bewa‑/rẏngghe . dess(er) dẏnck . so hebbe ẏk mẏn ẏngheseghel ghehengghet / vor dessen bref de gheue(n) vnd(e) schreue(n) ẏs thome stralessunde / na godes bort drutteẏ(n)huͦ(n)dert ẏar an dem neghen vnd(e) sostẏghest(e)n / ẏare an zuͦnthe mertens daghe des hilghen bẏsschoppes.