Jn godes namen. amen Jk Gozswin van dem he(n)nekenhaghen . Allene . dat ik krank byn . / mẏnes liues . Jo doch . van der gnade godes . wol mechtich . mẏner synne . mẏnes danken . vn(de) / al mẏner redelcheyth . Js dat ik af ga . so make ik mẏn testame(n)t to voren . in desser wijs . Tho / dem ersten bevele ik gode mẏne sele . Vn(de) gheue bernde mẏme sone . mẏn beste suͦlueren / gordel .. Vortm(er) . al mẏn ander gut . beweghelyk . vn(de) vmbeweghelyk . luttik . vn(de) grot . wor ik / dat hebbe . dat gheue ik . margarete(n) . mẏme leue(n) wiue . vn(de) mẏne(n) kinderen . mit alsodanem / beschede . alle de wile . dat mẏn wif . wil bliue(n) bẏ den kindere(n) . so scholen se to hope bruken / alles gudes . na rade mẏner vor mu(n)dere . de ik en ghe seth hebbe . Wer ok dat se wolde van / den kinderen , Edder de kindere van er . so schal mẏn wẏf tho voren hebben . al mẏn ynghedome / vn(de) schal denne inbringhen . de twintich m(a)r(k) gheldes . de ik er hebbe ghelenet laten . to dem / he(n)nekenhaghen . to enem lyfghedinghe . vb(de) schal dar mede . vn(de) mit alle dem anderen gude . gan / like . to kindes dele. mit mẏnen kinderen . vn(de) bruken des to enem lyfghedinghe . vn(de) na erem / dode . schal dat valle(n) . op mẏne rechte(n) erfname(n) . Vortm(er) . wan mẏner kindere . een . ku(m)pt . to sẏnen / muͦ(n)deghen iare(n) . vn(de) syn dingh nicht wolde holden . na Rade der vormu(n)dere . den scholen de / vormu(n)dere . af su(n)derghen . min sẏme andele . vn(de) scholen bliue(n) vormu(n)dere mẏner anderen / kindere . bet dat se come(n) to eren muͦ(n)deghen iaren . vn(de) so scholen mẏne vormu(n)dere . de ik hebbe / en ghesettet . vulle macht . des hebbe(n) . wer se willen . Greteken mẏner dochter . wes meer gheue(n) . / wan den anderen kinderen . to erem an dele . Wer ok sake . dat van dessen vormu(n)deren . erer een / af ginghe . by(n)nen desser tẏd . so scholen de anderen vulle macht hebbe(n) . enen anderen guden man . in / sẏne stede to kesende . de vulmechtich mit en sẏ . also langhe . bet dat de kindere comen to eren / muͦ(n)deghen iaren . vn(de) ik bidde . margarete(n) mẏn leue wif . vn(de) mẏne kindere . dat se horsam / sẏn . den vormu(n)deren . vn(de) don na erem Rade . vn(de) ik wil stede vn(de) vast holde(n) . dit yeghe(n)wardi/ghe mẏn testame(n)t . also langhe . bet dat . ik dat witliken wedder rope . vn(de) ik kese to vormu(n)dere(n) . / desses testame(n)tes . Erlike lude . Joh(ann)es hamborghe . wulueken wulflam . Arnt vote . Bernd mẏ=/nen sone . vn(de) h(er)man(us) Riken . Dit is ghemaket Na godes borth . Duse(n)t iar . Drehu(n)dert iar . / Jn deme . sesse . vn(de) Seue(n)tighesten iare Jn vnser vrowen auende tho lichtmisse . Tuͦghe synt / Erbar heren . her Thidema(n) van vnna . vn(de) her Arnd van zost . Ratma(n)ne to dem su(n)de . de van / den borghermeysteren sẏnt hir to ghe sendet