Jk iacob trybuzes de dar won(et) tuͦ deme smeͤdeshaghen betuͮghe vnde bekenne openbar / an desseme breue vor allen de eͤne zeen edder horen lesen dat ik mit mẏne(n) erfname(n) / mit vulbort mẏner neghesten vrunt hebbe vorsett(et) vnde vorsette in dess(er) scrift deme / erbaren ma(n)ne her tideric van dorpen raetman tuͦ deme sunde vnde zine(n) erfnamen / twe morghen landes de dar ligghen up desse zẏd deme kedinghehaghen tuͦ der stat / wort alze ze ligghen in eͤren scheden de clawes teskens buwede . Vor seͤuenteyn mark / sundescher pe(n)ni(n)ghe tuͦ brukende vnde tuͦ bezittende vẏf yaͤr v(m)me sunder middel , / van der tyd antuͦreͤkende alze desse breef is ghe gheͤue(n) . wen desse vẏf yaͤr u(m)me kome(n) / zint zo mach ik iacob trybuzes vorben(omed) edder mẏne erfname(n) desse vorscreuene twe / morghen landes wedder løsen vor seͤuenteyn mark sundes(cher) wer(et) dat ik edder myne / erfnamen ze nichten løsede wen desse tẏd v(m)me komen is . zo schølen de zuluen twe / morghen landes her tiderike van dorpen vorbeno(mede) vnde zine(n) erfname(n) bliue(n) vnde / v ¹ eͤre² weͤsen tuͦ ewighen tiden Tuͦ groter bekantnitze der voͤrscreue(n) stuͦcke zo hebbe / ik iacob trybuzes mẏn Jnghezeghel ghe henghet vor dessen breef . Vnde clawes teskens / vorbeno(mede) heft zẏn ẏnghezeghel hẏr meͤde vore henghet tuͦ tcghe dess(er) dink . desse , / breef is ghegheͤue(n) vn(de) ghescreue(n) Na godes bord drutteynhundert yaͤr in deme / Sos vnde seͤuentighisten jare des neghesten mitwekens vor Paschen