Ik godeke dotenbergh hinrik dotenberghes sone dat em god gnedich sy . beken(n)e vn(de) betughe openbare in desme / breue Dat ik vnde myne rechte(n) eruen schuldich byn vnde ghelden schal. Coͮrd molteken van Redebritze / myme leuen øme vnde synen rechten erfnamen xx sundesche mark de he my rede ghelenet heft. Dar / vor sette ik em tho pande twe mark gheldes tho deme holdenhaghene in deme houe dar hen(n)eke schoͮ/maker inne wonet. alle Jar vptoneme(n)de alzo langhe wen dit vorbenomede ghelt betalet is . / vnde nicht van deme houet stule af to slande . alze in deme lande to bard en recht is . Were ok dat / ik godeke vorb(enomede) desse xx mark vor sunte mertens daghe betalede wellekes jares dat ik se losen / wolde so schole(n) my de vorbenome(n)de(n) twe mark gheldes volghen . We(re) ou(er) dat ik se losede na sun/te mertens daghe . so scholen de twe mark Cord vn(de) syne(n) erfname(n) volghen mid deme houetstu/le To ener betuchnisse desser dingh So hebbe ik godeke vorbenomet myn inghezegel hir vor / dessen bref ghehenghet mit willen vnde mid wischop . De ghegheue(n) vnde screuen is tho deme sunde Na godes bort drutteyn hundert Jar vnde in deme souen vnde souentichgesten Jare des / negesten Daghes na godes lych(t)emes daghe /