In godes namen amen Ik hinryk van heren eyn borgher thu deme sunde hebbe willen tu thynde peleg(re)madze / vnde eft syk my(n) leue(n)t wandelde in dat eweghe leue(n)t so sette ik vnde make my(n) testame(n)t in susdaner thu deme / irsten male so be vele ik myne sele deme alemechtighen gode . Vortmer dy helfte van alle mynen gude des ik na / late dy gheue ik mynes bruder kinderen . her dyderyckes kinderen van heren . margareten vnde peter . / van der anderen helfte mynes gudes gheue yk sunte Nycolawese . x . m(a)rk . den barueten bruderen . v . mark / Item gheue ik thu der armen scoler bruderscap thu sunte nicolawese . v . mark . Item wes hir bouen bliuet / dat scalme(n) gheue(n) arme(n) pristeren vnde arme(n) luden . hir kyse ik thu tu vormu(n)deren . her tydeman(n)e van vnna / thomas norttorpe vnde hinric(us) ruddinchusen dat sy desse dinch also vorstan alse ik em thu ghe truwe / vnde ghe loue . Ghe gheue(n) thu deme sunde in godes bort . mº iar cccº In deme Ixxviij iare des myddewekens / na sunte andreas daghe des hilghen apostoles . Desses testamentes bin ik nogaftich also langhe wante ik dat / mu(n)tleken wedder sproke /