Al den ghenen den desse breef to zeende kuͦmt edder tho høerde den begere Ik / Joha(n)nes vend eyn canonic vne eyn p(ro)curator der doemheren vnde des Capit=/tels to der Ryghe . heyl vnde zalde in gode . vnde beke(n)ne openbar met dessr scrift . / dat ik van zunderliker guͦnste vnde vru(n)dscop der vorzichtigen eerbarn heren/ der borghermestere vnde des gantsen rades der stat to deme Stralessunde / des maendages vor vnser anderen vruwen dage van en in redeme gelde vp / boͤrde achtentich mark vnde hundert sundesches pagime(n)tes . vor de rente der / dryer duzent mark de ze to zik nemen van deme verkope des guͦdes to deme / wulueshagen wante ze der vorbenomeden rente eer nycht vd dorften hebben / gegeuen eer desme negesten suͦntte michelis daghe wolden ze it my nycht / zunderliken to guͦde hebben getoghen . to ener zekeren bekantnysse vnde tugy(n)=/ge der vntfangynge desser vorbenomeden rente zo hebbe ik vorbenomede Joh(ann)es / vend myen eyghen Ingezegel vnde zunderliken Johans Butym eyn borgher / to deme sunde alzo eyn tuͤch zyen Ingezegel an dessen bref gehangen dit is / gesceen vnde gegeuen . Na der Boerd vnses heren . In deme . Mo . CCCo . vnde / deme vif vndeachtentichten Iare des vorbenomeden maendages vor vnser an=/deren vruwen daghe