Wẏ clawes zeghreuryd Arend van zvest Wullf wulfflam Gherd papenhaghen / borghermestere Johan schulowe Johan van kolpen berend van dem roͦde Diderik / schele clawes voghe Albrecht gherstendorp hiͤnrik haghendorn Johan van der mole Jo/han volmershusen Arend poleman Johan osenbruͤgghe Diderik hoghedorp Hinrik bluͦ=/me clawes liͤppe Johan buͮrowe cuͦrd bisscop Berteld ku(m)merowe Johan kediͤng vnde / gosscalk wydenbruͤgghe Radma(n)ne der stad stralessund vn(de) v(n)se nakomelinghe bekenne(n) / vn(de) betuͮghen an desseme breue dat wẏ hebbe(n) vorkoft deme wisen mane Otte jagheduuele / borghere tuͦ Stetẏn vn(de) wente he dat beschedet an zineme testamente eddir ghift , hundert / sundesche mark yarliker rente vor drutteyndehalf hundert sundesche mark de v(n)s de / zulue otte an guden sundische witten ghelde tuͦ ener nuͤghe wol betalet heft vn(de) an v(n)ser / stad nut vn(de) behuͦff ghekomen zint vnde de hundiͤrt sundiͤsche mark yarliker rente / scole wẏ vn(de) willen otten vorben(omeden) eddiͤr weme he de beschedet eddir ghift gheue(n) tuͦ twen / tyden iͤn deme yare , veftich sundische mark tuͦ sunte micheles daghe neghest komende / vn(de) de and(er)en veftich sundische mark vppe paschen dar neghest komende bẏnne(n) vs(n)er stad / stralessund sundiͤr yeniͤgherleye vortoch vn(de) hinder vn(de) voort alle yar vp de twe tyde vor=/screue(n) tuͦ ener guͦden nuͤghe Ok heft vs otte vorben(omede) van ziͤner eddir weme he dat besche=/det weghen ghe ghunt dat wẏ eddiͤr vse nakomelinghe moghen de vorbeno(mede) rente weddir / losen vn(de) wen wẏ dat duͦn willen zo scole wyͤ dat otten eddiͤr weme he de rente beschedet / een half yar tuͦ voren tuͦsegghen vn(de) vp den tuͦzechten dagh scole wyͤ en byͦnne(n) vser stad / stralessund tuͦ ener nuͤghe betalen drutteyndehalf hundert sundische mark an guͤden / sundischen pe(n)ninghe alse / in v(n)ser stad ghenghe vn(de) gheue zint miͦt der rente de dar vor bo=/ren mach na tydtale vn(de vthwisiͤnghe v(n)ses breues Were ok dat otte vorben(omede) v(n)s dessen koop / wolde vp segghen dat scol he v(n)s ok een half yar tuͦ voren tuͦ segghen vn(de) zo scole wẏ em / houetscuͦl vn(de) rente betalen iͤn allir mate alse hyͤr vorscreuen steyͤt Alle de vorscreuen / diͤng loue wẏ deme vorbeno(meden) otten vn(de) weme he dat beschede . in guͦden truͦwen stede vnde / vast tuͦ holdende zundiͤr yeniͦgherleye huͤlperede vn(de) argheliͤst Tuͦ merer bewariͦnghe vnde / groter witlicheyt der vorscr(euene) ding hebbe wyͤ v(n)ser stad grote jngheseghel laten henghen an dessen breff gheuen vn(de) screue(n) na der bord v(n)ses he(r)n Criͦstiͤ in deme veerteyͤnhundirdisten / jare des miͤtwekens na sunte Johannis baptiͤsten daghe ziͦner vnthouiͤnghe