Ik Curd moltke Rydder vor my vn(de) myne eruen bekenne vnd(e) betughe openbar(liken) indesseme jeghen/wardegen breue dat ik myt guden wyllen vn(de) wolbedachten mode hebbe ghegand vn(de) ouer gheuen / hinrik Crassouwen vn(de) synen eruen dat he mach in losen de sostein mark geldes jarliker pacht , tho / bantzevitze de clawes tzernyn dem god gnedich sy vorsettet hadde hoppeschen dat he myt synen erue(n) / der moghe bruken na lude des suluen breues den clawes tzernyn dar vp bezeghelt hefft den hinrik / Crassowe by sik heft , des to ener hogheren vorwarunge vnde merer tuchnisse desser vorsc(reuenen) dingh / so hebbe ik Curd moltke vorben(omed) myn jnghezegel myt wetenheit ghehenget an dessen bref hijr hebben an / vnd ouer wesen also mechtige tughe de Erwerdigen man(n)e hinrik leueringk vnde matties kroger / besetene borge(re) to deme sunde de dorch myner bede wyllen ere inghesegele tor witlicheẏt ghehengeden / mede vor dessen bref ghe geuen tom sunde na godes bord veerteinhundert iar dar na indeme vyf vnd(e) / veertigesten iare des vrigdag(es) /