Jk wuluynk zeghebode knape vor mẏ vn(de) vor mẏne broder(e) vn(de) vor vnse moder margarete(n) . wandaghes hartma(n) zegheboden vnses zeleghe(n) vaders naghela=/tene wedewe bekenne vn(de) betughe ope(n)bar in desseme breue dat ik mẏt vulkomener endracht mẏner moder na rade vnde vulbord vnser negesten eruen / vn(de) vrunde hebbe rekliken vnde reddeliken vorkoft vn(de) vorlaten vorkope vn(de) vorlate to eneme ewege(n) koften kope deme bescheden(e) manne Hans steen / borger(e) to dem sunde vnde synen rechten eruen vor veftich mark sundesch de he my rede ghetallet vn(de) to ener vulkomen(en) noghe wol beret heft vor der / makinge desses breues veer mark geldes jarliker pacht , vn(de) ingheldes in mẏneme houe vn(de) gude dar ik nü tor tijt sulue(n) ynne wone . beleghen indeme / dorpe to breghe indem vorstendome to Ruẏen vnde in alle des houes vn(de) gudes to behoringhe alse de nü liggen va(n) alse de hof van oldinges vth ẏe / gheleghen hefft , in alle sinen scheeden maten vnde enden mẏt ackere ghebuwet vnde vnghebuwet , myt holte bussche vnde struke mẏt torue vn(de) mẏt / more mẏt wissche vn(de) mẏt weyde myt waterlope vletende vn(de) stande mẏt rẏchte vn(de) mẏt denste vn(de) mẏt alleme rechte mẏt deme hoghesten vnde mẏt / deme sydesten rechte to richtende an hant vnde an hals vnde nomeliken myt aller vrucht vnde nüt de dar nü ane is vnde intokomenden tijden noch ane / werden mach mẏt also daner vrigheit vnde rechtecheit also quijd vnd(e) so vrigh alse mẏne vorvaren vn(de) mẏn vader dat vor vnde ik nü na dat / alder , hoghest , vnde vriest ghehat bruket vnde beseten hebben also gantz vnde also degher dat noch ik eft mẏne eruen an den vorben(omeden) veer mark / gheldes vn(de) an alle erer to behoringhe altesnicht en beholden noch dat grote noch dat clene dat si benomet efte vnbenomet , Desse vorscr(euene) / veer mark gheldes pacht schal de vorben(omede) hans steen mẏt synen eruen alle jar quͮijd vn(de) vrig hebben vnde vpboren to sunte mertens daghe / des hilghen bisschoppes vnvortogerd vte deme vorben(omede) houe vnd(e) gude weret sake dat se en so to rechter tijt nichten worde so hebben se vul=/komene macht de vth to pandende vte deme vorben(omeden) houe vnd(e) gude vnde vte alle syner to behoringhe also vakene alse en des nod vnde behuff / wert donde . vnde myt den panden sunder w[edder]stal to donde alse pacht [... vth] wiset , Ok schal ik vnde mẏne erue(n) hans stene vnde sẏ=/nen eruen dit vorben(omede) gud vn(de) de veer mark [gel...]d(es)* vrien vnde entweren [...] plicht vnde vmplicht vor heren denst vnde vor alle anspra=/ke . aller personen beide gheestliker vnde werlyker achte . de vorrecht kom[en...] wyllen recht geue(n) vnde nemen wẏllen . Ok schole wẏ en datt / vorlaten wor wy en des van rechtes weghen plichtich sint to vorlatende vnde louen en vor vnde na der vorlatinghe . alse indeme lande / en recht isvp vnse kost vn(de) teringhewen wẏ dar to geesschet werden Ok mach de vorben(omede) hans sten vnde syne eruen dit vorben(omede) gud / vortan vorkopen vorbuten vorsetten offte vorgheuen efte vor anderen in ghestlike achte effte in werlike achte gantz effte een deel wor efte we=/me dat se suluen wẏllen vnde se dat laten deme effte en schal ik vnde wẏl mẏt myne(n) eruen holden alle stucke vnde artikele alse des=/se breff ynne holt vnd(e) vthwiset jodoch dorch sundergher gunst vnd(e) vruntschop wẏllen . so hefft de vorben(omede) hans steen mẏt sinen eruen / mẏ vnde mẏnen erue(n) ghegunt vnde gheuen . den ieweghen wedderkop an dessen vorben(omeden) gude vnde veer mark geldes myt alle erer tobe=/horinghe also dat wiy en moghen to voren to seggen vp enen sunte Joha(n)nis baptisten dach to mẏddensomer wen wij suluen wẏllen vnd(e) / gheuen en denne des neghest na volghenden sunte merte(n)s daghe des hilghen bisscopes . veftich mark sundesch houet [... ... ...] / lighe pacht to zamende an eneme summen vnbeworen an guden reden pe(n)ni(n)gen mu(n)the alse denne bynnen [... ... ...] / gheue is sunder lengher vortogherent vnde sunder sy(n)nen v(o)rwijsliken hinder vnde schaden . alle desse vorschre(ue)n stucke vnd(e) artikele vnd(e) / een iewelik bi sik loue ik wuͦlnynk zeghebode vorben(omed) . vor mẏ vn(de) vor mẏne brode(re) vn(de) vor vnse moder margrete(n) vors(creuene) vn(de) mẏt mẏ=/nen eruen vnde mẏt mẏ louen de Erwerdighe(n) manne de mẏne truwen medelouere sint alse Clawes krake vnde hennẏnk seghebode mat=/thias van der lanke . vnd(e) Vicke quas Wẏ alle vorben(omede) louet to sa(m)me(n)de mẏt ener same(n)den Hant deme vorben(omeden) hans steͤn vnd(e) synen eruen / vn(de) sinen nakomelingen inguden truwen vnde loue(n) stede vn(de) vast wol to holdende sunder jenegherleyge arghelist effte weddersprake des to / groter vorwaringhe vn(de) merer bekantnisse so hebbe wy alle vorben(omede) vnse jnghezeghele myt wetenheit ghehenghet an dessen breff / Ghegeue(n) to dem sunde na godes bord veerteinhundert jar dar na indeme souen vn(de) veertigesten ia(r)e in der hilghen twelf apostel dage