Juwer vorsichtichene(n) Ersame(n) vru(n)de Borg(er)meister(e) vnd(e) Radma(n)ne to gry(m)men . vnde / dar des vurder behuff is Doͤn wij Borg(er)meste(re) vn(de) Radma(n)ne tom Stralessunde / witlik nach vru(n)dlik(e)n vnde behorlik(e)n grute(n) mit dessem breffe betuge(n)de . Dat vnse / leue(n) erlike(n) medeborger(e) . de olderlude der wandsnyder(e) bynne(n) vns(er) stad vns klege=/lik(e)n heb(be)n tokennende doͤn . wo seͤ vnd(e) eͤre mene(n) ku(m)panẏenbroͤdere in deme / wandsnede . mit Juw toͤr stede vorvnr(e)chtet werden . an eren olden woͤrheiden / rechticheyd(e)n vnd(e) vrigheyden . vn(de) sunderges in Jüwem Jarmarkede . dar de(n)ne / mit Juw eͤn yderma(n) snydet wand uth by der ölen wol dede wil . Dat doch va(n) / oldinges nicht plach towesende Anders . wan dat de yene(n) allene(n) me(n) wand / sneden vn(de) vorkoften . dede in den Steden dess(es) landes wandsnyde(re) weren . vn(de) eͤre / ku(m)panyen hadden . Z(o) v(m)me deswill(e)n gude(n) vru(n)de . nv Juwe ersame leue besoke(re) / vnse olderlude der wandsnider(e) hinrik leueri(n)g vn(de) g(er)wen ro(n)negarue desse / brefwiser . den wij ok desse werfe mede towerue(n)de beuole(n) heb(be)n . Bidde(n) vlitig(e)n / mit andacht . wes se mit Juw handele(n) vn(de) werue(n) va(n) derweg(e)n . dat gi en des / loue(n) gelik oft wij dar mede by were(n) vn(de) bewise(n) vns vn(de) en dar will(e)n ane / na older louelik(er) wonheid . dat wij g(re)ue grotlike vorscholden Dess(en) to tuge / is vns(e) Secr(et) benedde(n) hir an gehenget in sunte mau(r)icij dage Anno xlviio