In god(es) name(n) amen Vor allen ersamen in Chr(ist)o gelouigen / de dyssen breff szen effte horen lesen Gestlick offte wortlick Wy / Borgermester(e) vnde Rathma(n)ne to dem(e) Stralsunde Boke(n)nen vn(de) / don wytlick myt tuchnisse dysses breuͮes dat wy myt dem(e) wer=/digen vnde Erbar(e)n Her Berent moltzan karckher(e)n to der Voge=/dehagen alsze eyner moder kerken vn(de) to dem(e) suͮnde vnsem(e) / gud(en) fruͮnde hebben van ander gestan van buwete grauͮe(n) vnde vis=/scherye darsuluest to der vogedehagen Szo hebben de Erwerdige in / Godt here Laurentio abbet to Puddeglow vnde de gestrenge vnde / duchtigen her He(n)nynck van jasmuͮ(n)de Ritter Hernich moltzan va(n) / der osten vn(de) olryck moltzan van dem(e) gruͮbenhag(en) vnde wedeghe / Buggenhag(en) van der Neringe marschalk des land(es) Bardt myt / vourle des hochgebar(e)n forsten vnde her(e)n Heren wartislaff to / Stettin pameren der wende vnde cassuben hertoge vn(de) forste tho / Rugen vnses Gnedige her(e)n myt vns fruntliken gehandelt / der vpgenan(ten) buͮwete graue(n) vnde vischerye halue(n) an den beyde(n) / stouͮuͮedyken to der vogedehagen an disser wyse Szo nascre(uen) ẏst / Szo dat wy Borgermester(e) vnd(e) Rathma(n)ne v(m)me sunderge vordenste / wyllen den her Berent moltzan vnde syne vedder(e)n vnser stadt / dẏcke vnde vaken gedan hebben vnde noch mer don mogen an / tokome(n)den tyden [ ... ] Her Berent moltzan vnde syne(n) nako=/melingen dat sze mogen buͮwen to der vogedehage huͮsze szo vele / an den noth vnde lust Is men sze scholen baue(n) der Erden gekle=/met offte an holt [ ... ] gemuͦret syn Wy gu(n)nen ock v(m)me / sunderger bede wyllen dysser vorscre(uen) Heren vnde frunde vnde / degedinges luͮd(es) dat de borghere mach graue(n) v(m)me syne huse / offte syne nakomelinge eyne(n) graue(n) van twyntich vote wyth / neddene by dem(e) watere vnde dat water leyden vth vnseme / Stouͮuͮedyke dar suluest an dem(e) graue(n) Wy gu(n)nen ock dem(e) / suluen Her Berent moltzan vnseme kerckher(e)n vnde syne(n) na=/komeli(n)gen wen sze suluen personliken hus holden to dem(e) su(n)de / offte to der vogedehagen de vyscherye an beyden Stouͮuͮedyken / dar suluest to der vogedehage(n) He der sulue(n) vischerye mach bru=/ken likerwẏs(e)s to syner tafelen vn(de) behoff Szo se her berent tovor(e)n / gebruket hefft Hyr mede scholen alle szaken sze synt wodane se synt / vn(de) alle vnwylle mede gesloten syn des to merer tuchnisse vn(de) / nasporinge hebben wy Borgermeister(e) vn(de) Rathma(n)ne to dem(e) / Stralsunde vnser stadt Secrete myt wytschop hengen heten / nedden an dyssen Breff dede geue(n) vnde screue(n) ys to dem(e) Su(n)de ¹ /StralSuͮnde na der bort Chri(sto) dusent verhundert jar dar na an / dem(e) twevndevefftigeste(n) jar des mandages na dem(e) Sondage myt=/fasten alsze me singet in der kerken letare Iherusalem