Ik blasius zwarte borg(her) tom sunde myt mynen rechten eruen Bekenne vn(de) betug(he) openba(r)e in dessem Je/ghenwordig(en) breue vor alsweme Dat ik hebbe vor koft deme bescheydenen man(n)e olaff van der linken vn(de) / synen eruen achte m(a)rk geld(es) in deme gude to maldenbrẏtze beleghen vor witkow vor eyne(n) sum(m)en pen(inghe) / den ik van em to mẏner noghe entfang(en) vn(de) vp ghebort hebbe er der making(he) desses breues to eyner / tuchnisse(n) der warheit so hebbe ik blasius vorbe(nomede) my(n) Inghezegel myt willen vn(de) wetenheit behenget / an dessen breff . hir hebben an vn(de) ouer ghewesen desse erbaren man(n)en alse her Bernd van zutfelde / [...] vn(de) marchwart abraham Borgher tom sunde de vmme myner bede willen ere Inghezegele nien to / tughe vn(de) to witlicheit mede hebben ghehenghet an dessen breff de gheuen vn(de) ghescr(eu)en is tom sunde na / godes bort xiiii iar dar na in dem veervndefeftigesten iare dez vrydag(hes) to mitvasten /