Wij borg(er)meister(e) vnde Radma(n)ne tom(m) Stralessunde vor vns vn(de) vnse mene(n) nakomeli(n)ge / Bekenne(n) vn(de) betugen ope(n)bar(e) i(n) craft desses brefes vor allen yene(n) dede ene Seen edder hore(n) / lesen . Dat vnse gnedige her(e) wartiszlaff de older(e) vor sik vn(de) syne erue , i(n) den dorpen / vn(de) guderen dede syne gnade vns vorkoft heft vor twedusent ri(n)sche gulden(n) . alse beno(m)mlik / tor Sale . tor Slichte(n)molen . tom(m) berteldeshag(e)n . to karny(n) to kentze . tom(m) spoldershag(e)n / vn(de) to Sle(m)mẏn . heft beholden , den wedderkop vn(de) de lesinge , alse syn(n) gnade(n) bref y(n)neholt / vn(de) wa(n) de ynwon(e)r dess(es) verscreu(enen) guder(e) . dede jarschar(e) hebb(e)n eͤrtz plege na vorlope der tid / ere(n) vulle jarlikesplege uthgeue(n) , vn(de) mer wa(n) de yarlike bori(n)ge nv is alse de breͤff / uthwiset de(n) vnse gnedige her(e) vorben(omede) vns vorsegelt heft , dat ouerge iarlik . kope(n) / de(n)ne vnse(n) gnedige(n) here(n) vn(de) syne erue(n) to hude , vn(de) dat schole(n) wij en de(n)ne alle jar(e) / to kere(n) vn(de) gudlik werde(n) laten . des to mer beka(n)tnisse vn(de) hog(e) bewari(n)ge heb(e)n wij vnse / Secret(e) Jngezegel benedden hir an gehenget na god(es) bord xiiii c vn(de) vifvn(de)veftig Jar(e) / i(n) Sunte barbare(n) daghe der hilg(e)n ju(n)cvrouwen