Jck Eggert grambow tome we(n)deschen lange(n) dorpe in deme kerspele to proͤn mÿt mÿne(n) erue(n) boke(n)ne vn(de) betuge ape(n)bar vor allesweme / in desseme breae dat ick rechte vn(de) reddelken hebbe vorkoft vn(de) vorlate(n) vorkope vn(de) vorlate jege(n)wardyge(n) in kraft desses breues den Ersa/mene(n) ma(n)nen her Sabel Ozeborne borgermestere tome su(n)de her hinrick bachouwe(n) vn(de) her Gherd boͤleke(n) Ratma(n)nen dar sulues vnde / schotere(n) vn(de) eren nakomely(n)gen vor hu(n)dert m(a)rck su(n)d(escher) de my van en wol to dancke vornoget sint vor der makinge desses breaes / soes m(a)rck sund(esch) ÿarlyker pacht de se alle ÿar vppe su(n)te merte(n)s dach hebbe(n) vn(de) bore(n) schole(n) vte myneme gantzen erue dar Ick na tor / tÿt sulue(n) vppe wane vn(de) vte alle siner tobehoringe dar de rad alrede twyntych m(a)r(k) pacht jnne heft na lude Der vorsegelden breue de de / rat dar vp heft vn(de) alzo dat sulue(n) erae nu licht vn(de) ye van oldinges vth gelege(n) heft by(n)nen alle sine(n) mate(n) ende(n) vn(de) scheÿde(n) jd sy in acker(en) / in wyssche(n) weyde(n) torue(n) more(n) holty(n)ge(n) watery(n)ge(n) myt aller vrÿgheÿt herlicheÿt vn(de) rechticheÿt vn(de) weret ock dat en desse vorscr(eue)n / pacht to rechten tÿde(n) to dincke nicht en worde so hebbe(n) se mÿt ere(n) nakomelinge(n) alletÿt vulle macht dat se de moge(n) pande(n) late(n) vte / myneme erben(omeden) erue vn(de) alle sÿner to behoringe so vake en des noth vn(de) behoff is su(n)der wedderstal va(n) jemande vn(de) mÿt de(n) pande(n) to / varende alzo pacht recht vtwyset ock schal jck vn(de) wÿl mÿt mÿne(n) erue(n) en dÿt erben(omede) erue myt alle siner tobehoringe vn(de) mẏt / der pacht vrẏen vn(de) entweren vor aller persone(n) ansprake de vor recht kame(n) recht geue(n) vn(de) neme(n) wylle(n) Se mogen ock desse / Soͤs m(a)rck pacht mÿt alle erer to behoringe vor hu(n)dert m(a)rck sundes(ch) vortan vorkopen vorpande(n) vorbuͮte(n) vn(de) voranderen / to weme se sulue(n) wẏlle(n) vn(de) dar se alzo to vor andert wert schal jck vn(de) wyl mÿt mẏne(n) erue(n) holden alle artikele desses breues / Jodoch v(m)me su(n)derger gu(n)st wÿlle(n) so geue(n) de erben(omeden) schothere(n) mÿt eren nakomelẏnge(n) mÿ vn(de) mÿne(n) erue(n) den ewÿge(n) wedderkop des/ser vorsche(ue)n pacht myt alle erer tobehoringe vppe ene(n) su(n)te joha(n)nes baptistendach to mÿdden samere touorne toseggende vn(de) / geue(n) en

negesten nauolge(n)den su(n)te mertensdage rede wedder hu(n)dert m(a)rk sund(escher) Mu(n)te alzo de(n)ne tome su(n)de genghe vn(de) / geuͮe ÿs mÿt der pacht de sick de(n)ne behoret vn(de) noch alle nastendich ÿs an eneme su(m)me(n) by(n)nen der Stat tom(e) su(n)de sunder alle eren / hinder vn(de) bowyslyke(n) schade(n) dÿt allent vorscre(ue)n laue jck eggert grambow mÿt mÿne(n) erue(n) den erben(omeden) schotheren vn(de) ere(n) nakome/ly(n)ge(n) in gude(n) truwe(n) vn(de) sekere(n) loue(n) stede vn(de) vast wol to holdende(n) sunder jenigerleÿe argelÿst des to groter tuchnisse vn(de) vaster vor/wari(n)ge hebbe ick eggert gra(m)bow my(n) jngesegel vor mÿ vn(de) mÿne erue(n) wytlyke(n) gehe(n)get an dessen breff den mede tor wytlyckeyt v(m)me / mÿner bede wÿlle(n) alse mechtÿge tuge vorsegelt hebbe(n) de ersame(n)ne ma(n)ne Alze hinrick huls lant vaget vn(de) he(n)nÿnck butsow erfseten(e) / borger(e) tom(e) su(n)de geue(n) vn(de) screue(n) na gades bort xiiiiC vn(de) vÿffvn(de)negentich ÿar in sunte fabianus vn(de) sebastianus dage der hilgen twyges mertelere