Jk wendelborne pansonwe borg(er) tom(e) sunde myt myne(n) erue(n) bekenne vn(de) betuge ape(n)bar in desseme / breue vor alszweme Dat ik recht vn(de) reddelken hebbe vorkoft to enem(e) ewyge(n) koften kope de/me ersamen manne hans klundere borge(re) dar sulues vn(de) synen erue(n) vor drüttich m(a)r(k) sund(escher) / de ik van em to myn(er) vulle(n) nughe entfange(n) hebbe al vor der makinge dess(es) breues ene morge(n) / akkeres myt erer tobehoringhe belegen achter der pascheborch vn(de) schut vp de(n) rusche platen / dyk vn(de) buwet nu tor tyt hans emeke Desse vorscre(ue)n morge(n) akkers schal de erben(omede) hans myd / synen erüen vryg vn(de) qwyt hebben bruken vn(de) besytte(n) vn(de) don dar mede alle(n)t es en sulue(n) ge/leuet vn(de) ik se em waren vrygen vn(de) entwere(n) vor alle ansprake vn(de) bewernisse aller p(er)sone(n) / de vor recht kamen recht geuen vnde nemen willen vn(de) ik myt myne(n) erue(n) scholen vn(de) willen / dar nu(m)mermer mer vpsaken to ewege(n) tyden Dit alle vorscre(ue)n loue ik wendeborne pa(n)son/we myt mynen eruen deme erben(omede) hans klundere vn(de) syne(n) erue(n) in gude(n) truwe(n) vn(de) sekere(n) / laue(n) stede vn(de) vast wol toholdende sunder alle arch efte argelist Des to groterem(e) loue(n) heb/be ik my(n) jnges(egel) vor my vn(de) myne erue(n) witlike(n) vor dessen breff gehenget Do(r) mede tor wit/licheit v(m)me myner bede willen alse mechtige tughe vorsegelt hebben de ersame(n) manne / als(e) luteke wasege vn(de) pet(er) sagher erfsete(ne) borgere tom(e) sunde Na gad(es) bort xiiiiC vn(de) sosz vn(de) / negentich yar in sunte yacopes auende des hilge(n) aposteles