Jck Enwolt u(m)mantze wanaftich vppe der vere myt myne(n) erue(n) boke(n)ne vn(de) betuge ape(n)bar vor allesweme / in desseme breue dat Jck mÿner egene(n) rechte(n) wÿtlyken schuld plÿchtich vn(de) schuldÿch bÿn der Erlyken frou/wen Margareten zelÿgen her Mathyas darnen wandages borgermeÿsters tome su(n)de nalatene(n) wede/wen veftich m(a)rck sund(escher) de mÿ van er wol to dancke vornoget vn(de) betalt sÿnt vor der makinge desses bre=/ues desse vorscreue(ne) veftich marck su(n)d(escher) schal ÿck vn(de) wÿl mẏt mÿne(n) erue(n) er vn(de) eren erue(n) wol to dancke be/talen mÿt veͤr m(a)rcken rente Nu vppe sunte Mertens dach negestuolgende myt vmbeworen reden / pe(n)ny(n)gen by(n)nen der stat tome su(n)de edder mẏt also velen pande(n) de dar nogaftich vor sint de allerede myt / alleme rechte voruolget sint de me(n) vloten voren vn(de) drÿue(n) mach dar se edder ere erue(n) ere vnbeworen / reden pe(n)nÿnge van neme(n) mogen by(n)nen der stat tome sunde an eneme su(m)men su(n)der alle ere(n) hinder vn(de) bo/wÿslyken schaden vn(de) weret sake dat margareta darnes edder ene(n) erue(n) desser betalinge jenige(n) schaden / neme(n) kofte vn(de) teringe dar v(m)me dede(n) de bowẏslÿck were den schaden koft vn(de) teringe schal Jck Enwolt / v(m)mantze edder mÿne erue(n) en gantz vn(de) alle wedder vprichte(n) vn(de) wedder legge(n) to deme houetstole vnde / de(n) schade(n) an den houetstol nicht to rekende vn(de) su(n)der jenigerleÿge hülperede vn(de) weddersprake vn(de) su(n)der / voruolginge houetmans mÿt rechte Dÿt allent vorscreüen laue Jck Enwolt v(m)mantze mÿt mÿnen / erue(n) vn(de) Truwen medelaueren alse de ersame(n)ne ma(n)ne Tÿtke dargemer to slawÿttze schÿr le(m)meke to / barnekenitze Mathÿas rÿdder To bessÿn Clawes Thuͮre Clawes kale jacob swarte vn(de) Clawes Teske / in deme ke(r)spele tor vere laue(n) alle same(n)tlÿke(n) mÿt ener same(n)den hant Margareta darnes vn(de) ere(n) eruen / in gude(n) truwe(n) vn(de) sekere(n) loue(n) stede vn(de) vast wol to holdende su(n)der alle argelÿst Des to groter tuchnis/se hebbe wÿ erbenomede louere vnse jngesegele mÿt vnses houetmans jngesegele wÿtlyke(n) gehen=/get an desse(n) breff der wÿ jacob swarte vn(de) Clawes Teske ock mede brukende sint de geue(n) vn(de) screue(n) ys na / gades bort xiiiiC vn(de) xcix jar des myddewekens vor su(n)te pawes dage siner bokeringhe