Jn deme name(n) der hilgen dreualdẏcheit Ame(n) Nach deme de tÿtliken bedriue der my(n)schen mach vor lope der tÿt jn vor (?) wille(n) jd (?) vse vor myddelst apenbare(n) scryften vn(de) nawise beuestet werde(n) vn(de) nv wol aller lofflyker¹ schefte gud js dechtnisse / to beware(n)de vele mer ÿs bogueme vn(de) notroftich der dinge de tor ere vn(de) laue gades kome(n) dar se mogen bestontlyck bliue(n) (?) to hebbende hijr v(m)me wy hinrick schutinck borg(er)meister (?) vn(de) Merte(n) vnse Ratma(n)ne hinrick Mersma(n) hans freüde hans (...)² /nitze vleff? lorbere vn(de) hans Rouwe borgere tom(e) su(n)de vn(de) vorstendere su(n)te Nicolauͮs kercke dar sulues vor vns vn(de) vnse ewige(n) nakomelinge vorstendere beke(n)ne(n) vn(de) don wÿtlÿck mÿt desseme breue alle jene(n) jege(n)wardich vn(de) tokame(n)de de ene zeͤn edder hore(n) lesen dat wy / deme almechtige(n) gade to laue marie(n) siner leue(n) moder vn(de) alle gades hilge(n) to ere(n) vn(de) vor meri(n)ge dem(e) denste gades hebbe(n) endrechtliken mÿt wolbedachten vn(de) berade(n) mode vn(de) wÿlle(n) to vns gename(n) vn(de) entfange(n) in vnse hebbende were? alze ewÿge vorwesere vn(de) besittere / va(n) de(me) werdigen vn(de) vorsichtÿge(n) ma(n)ne her(e)n her hinrick Schutinge vn(de) her he(n)nÿnck Morder borgermeÿstere(n) her Cristoffer Suarte(n) Ratma(n)ne vn(de) Roleff Molre borgere tome su(n)de vor beno(me)t alze testame(n)tarie vn(de) vor uolgers des lateste(n) wylle(n) vn(de) testame(n)tes zelige(n) her / Roleff Molres ermals dar sulues tom(e) su(n)de borg(er)meisters in god vorstorue(n) Sostÿch m(a)rck my(n) vi (penninge?) alze van dessen nascreue(n) xxii morge(n) ackers de dar liggen vp der stad velde de dar alle vor geue(n) xxxiiii m(a)rck vn(de) ii (penninge?) Dar van buwet? herme(n) Nyeman vÿf morgen / vn(de) gÿft achte m(a)rck heÿdeman de dar want vnte(n) der tribusesche(n) singel to lutke(n) nusse buwet ene morge(n) vn(de) gÿft xxvi (penninge?) ...? en gardener buwet ene morge(n) vn(de) gÿft ii m(a)rck hans wytte en vorma(n) buwet ene morge(n) vn(de) gÿft ii m(a)rck hans smeke en vorman / buwet ij morge(n) vn(de) gÿft iij m(a)rck Spencker to grote(n) parow buwet ij morge(n) vn(de) gÿft iij m(a)rck Roler to lutken parow buwet ij morge(n) vn(de) gÿft iij m(a)rck hans wulff wanet bÿnne(n) det tribusesche(n) singel buwet vi morge(n) vn(de) gÿft teygende halue m(a)rck Ite(m) de erben(omede) / Roler to lutken parow buwet noch ij morge(n) vn(de) gÿft iij m(a)rck Ite(m) tome brandeshagen xviii m(a)rck boringe va(n) dessen nascr(euenen) ...? vn(de) van eren ...? van Mekelenborge vÿff m(a)rck vn(de) vÿff (penninge?) van Clawes stadenduuel viij m(a)rck van gotke kersebome iiij m(a)rck / richte vn(de) denste So vrig vn(de) qwÿt alze zelige her Roleff molre sine voruare(n) vore vn(de) he na de bosete(n) hebbe(n) na lude vn(de) inholde der besegelden³ breue dar vp ludende de...? he(n)ninck Morder vn(de) Roleff Molre in vorwaringe edder worfe to loue(n) bÿ? ligge(n) vn(de) ock na / lude der statboke dar zelygen her Roleff Molre desse erste(n) xiiij morge(n) ackers jnne toscreue(n) stan vn(de) de leste(n) viii morge(n) ackers zelige(n) her diderick van hidde(n)see? her merdessone? vn(de) her he(n)ni(n)ck ...? jnne toscreue(n) stan vn(de) ock des fundanen? breues dar vp bogrepe(n)

... na der bort cristi vnser(es) heren vefteẏgen hundert ẏar an sunte lucas auende des hilgen ewangelisten