Wi hinrik uan der gnade godes en herre / uan mekelenborch vnde uan stargarden / bescriuen allen kristenen lꝟden tho der geghen=/wørdicheyt desse scrift kump tho hørende efte / tho sende heyl in god vnde don witlik den geghe(n)/wørdeghen vn(de) den thokomenden , dat herman / henning olrik vnd cunrad de brød(er)e gheheten / van mødentyn , in vser geghenwørdicheyt uan vvl=/bord alle der gene , de dar icht mede tho dønde / hebben vnde an rørende is efte mach wesen heb=/ben uorkoft vnd up ghelaten iren hof tho ricq(ue)r=/storp mit ackere mit wischen mid weyde mid / broke , mid more , mid holte vnde mid busche vn(de) = / mid alle den digen , de binnen der stede begrepe(n) / vnde beleghen sint , in der lenge vnde in der bre=//de vriy uan aller bede van alleme denste tho gan=/tzem eghendome mid alleme rechte , also de selue hof / Conrade vnde willikine dem brøderen hansterd ghe/heten ghehort hadde , de(n) uorsichteghen mannen vse(n) / leuen borgheren uan vser stad der wismere beste/deliken andrewuse laschen Reyme(r) bøgeneuen , / klawese dedden , bersen , starken , detharde dem / beck(er)e , wulue uan zwerin , hinrike uornholte rey=/mere vn(de) Johanne hekede , hinrike vnde Johanne / stꝟneken , alm(er)ike uan lꝟbeke , Timmen walm(er)stor=/pe Johanne godine , vnde Thidemanne goldsmede / vnde den genen de mid dessen seluen vsen borghe=/ren ghekoft hebben dat selue gud vnde vser / stat der wism(er)e sꝟnd(er)liken mid volbord vn(de) mid / witscap . konrades vnde willikines der uorbe=/nømeden vnde irer erfnamen jowelken mor=/ghen ghemeten vor twintich mark lꝟbek(er) pen=/ninge , de den seluen broderen uan mødentyn al=/uorgulden sint . Den wontliken thegheden van des=/seme gude tho gheuende , scalmen gheuen jowel=/kes iares eweliken tho plechliker thijd , vt ener / houen de beleghen is , tho Dist(er)nstrop de nu buwet / sꝟuerke herman , de den seluen thegheden ghe=/uen scal de wile dat he de seluen houen buwet / vnde en iowelk sin nakømeling in der houe na / ime , De theghede dat sint seuen drømet korns / half gharste , vnde half hauere , de seluen houe / dar men dessen thegheden ut ghift hebben de sel=/uen brød(er)e conrad vnde willikin vor us vp ghela=/ten tho dem seluen thogheden eweliken tho ligge(n)=/de also hebben de seluen brødere conrad vn(de) willi=//kin den hof vnde dat gud gheuriyget uan alleme / thegheden , tho ewigher thijt , Ok hebbe wi dat / tho vvlbord ghegheuen , vnde de seluen brodere / conrad vnde willikin , also dicke sꝟuerke her=/man efte sin nakømeling in der seluen houe den / thegheden nicht vt ghift tho rechter thijt , dat de / uorbenømeden kopere vnd ire nakømelinge mø=/ghen den seluen thegheden vt panden sund(er) brøke / ir in der seluen houe geman pande , de dar pan=/dinge an heft , efte hebben mach de seluen brø=/dere conrad vnde willikin hebben sik uorbu(n)den / vnd ire erfnamen vnd ire nakømelinge , dat se / den uorbenømeden hof vnd dat gud uriygen scø=/len uan allen personen gheystlik efte w(er)tlik efte / welker achte dat se sin , de uppe den hof efte / uppe dat gud høgher spreken , wenne de seuen / drømet kornes de men gheuen scal dar uan tho / thegheden , Ok hebben de uorbenømeden brødere / uan mødentyn den seluen vsen børgheren mid / samender hant ghelouet , were dat genighe p(er)=/sonen gheystlik efte w(er)ltlik efte wat achte se / weren geghenwørdich efte tho komende , de be/drøuen efte hinderen wolden , de seluen køp(er)e / efte ire nakømelinge efte vse stat de wism(er)e / in deme uorbenømeden gude dat de seluen brø=/dere uan mødentyn vnd ir erfnamen , de seluen / køpere vnd ire nakømelinge vnd vse uorbenø=/meden stat , dar uan vntweren scølen , vnd in / allen dingen dar scadelos an bewaren , vnde dat / wi bewysen an werken de leue de wi hebben / tho vsen borgheren , vnde tho vser stat d(er) wis=//mere so late wi vnde liygen den uorbenømeden / vsen børgheren vnd iren nakømelingen vnde d(er) / seluen vser stat gantzen eghendom vn(de) vvlleko=/mene uriyheyt des uorbenømeden houes tho ricq(ue)r=/storp vnd des gudes dat dar tho beleghen is tho al=/leme lꝟbeschen rechte , tho ewigher thijt mid ure=/de vnde mid ghemake tho brukende , also , dat noch / wi noch use erfnamen noch vse nakømelinge besel=/uen vse børgh(er)e vnd ire nakømelinge vnd use stat / de wism(er)e nicht bedrøuen noch hinderen scølen noch / møghen geghenwøordeliken efte tho komende i(n) dem / vorbenømeden gude bouen de uriyheyt , de bescre/uen is in desser scrift . wi gheuen ok den selue(n) usze(n) / borgheren vnd user stat der wism(er)e alszosdane gna=/de uor us unde uor vse erfnamen vnde vor vse na=/kømelinge , were dat desse geghenwordighe sc(ri)ft / efte use ingheseghel dat hir uore hanget vnschicht=/liken efte van welken dingen uorwarloset wør=/de dat were anbrekende efte uorlesende efte ri=/tende , efte wor uan dat tho queme , de scrift / scøle wi uorniygen uan worde tho worde , vnder / useme Ingheseghele also desse scrift sprikt vnde / ludet wanne wi des uormanet werden , vppe / dat alle desse uorebescreuenen ding ewich bliue(n) / vnd unthobroken , so hebbe wi desse gheghen/wørdighen scrift tho ener openbaren betꝟghinge / gheuent vnde ghestedeghet mit vseme inghese=/ghele dat hir uore hanget , Des sint tꝟghe Johan / van krꝟcheren Gozscalk vnde b(er)told pren de brø=/dere wyprecht lꝟtzowe de riddere h(er)man lꝟchowe / Conrad modentyn hern olrekes søne vn(de) Johan