Wi Marquard vnde her Hinrik riddere van bar=/nekowe , bekennen vnde thꝟghen in dessem breue / dat wi redeliken , vnde mit gudeme willen vorkoft / hebben , vnde ghelaten , deme hillighen gheiste tho d(er) / wismer , vnde den vormꝟnden des seluen huses , de / stouwinge wo ho se willen vppe dat velt tho ka=/rowe , De selue stouwinge , is ok weder leghet den / Buren tho karowe , mit ackere van des seluen hil=/lighen gheistes houe tho der Steinnen , dar hebbet / ok de vormꝟndere des hillighen gheistes vif vnde / twintich mark lꝟbeker penninge vore gheghe=/uen , de al rede sint beret vnd al vorgulden vnde / were dat sake dat genich man weliker achte / he si de vppe de Stowinge spreken eder icht vor=/deren eder saken wolde , dat scole wi , eder vse erf=/namen vntweren vnde vrigen Tꝟghe de ouer / dessen dingen ghewesen sint , dat isz her røtcher / perrere tho sꝟnte Nicolawese tho der wismere / Diderik klawe , klawes van helpede , Hinrik / vses herren scribere van mekelenborch vnde // vele anderer bederuer lꝟde dat desse deghe / dinge ganz vnde al vast vnde stede bliuen / tho ewigher thijt des hebbe wi her marq(ua)rt vnde her hinrik van barnekowe vse Inghe=/seghele vor dessen bref ghehenget , dat is ghe=/schen tho dem sterrenberghe na Godes bort dusent Iar drehundert Iar ses vnde twintich Iar des dinsthe daghes vor mit vasten