[De retentione aue super]

WI Hinrik van godes gnaden herre tho mekelenborch stargarden vnde / tho rostok Bo kennen vnde thꝟghen in des=/sem openen breue , dat vor vs her marq(ua)rt / vnde her hinrik van Barnekowe Riddere / rechte vnde redeliken laten vnde vorkoft / hebben , deme hillighen gheyste tho der wis=/mere vnde den vormꝟnderen des seluen hu=/ses , de Stowinge vppe dat velt tho der ka=/rowe also ho also se willen Dat hebben / de vormꝟndere des benømeden hillighen gheis=/tes , den Buren van der karowe weder lecht / mith akkere van dem houe desseluen hilli=/ghen gheystes tho der steinnen Dath In wol / ghenøghet , vnde hebbet ok dar ꝟmme / hern marq(ua)rde vnde hern hinrik van van barne/kowe ghegheuen vif vnde twi(n)tich m(ar)k / lꝟbeker penninge de in redde betalet sint / so dath de benomede hillighegheyst den beno=/meden Stowinge sunder hindernisse ewi=/ghe thijt schal behoolden were dath sake // dath genich man gheystlik eder werltlik / de weliker achte he si , de benømeden / hillighen gheyst eder sine vormꝟndere an / der stowinge wølde be werren eder icht / dar vp spreken , dath scholen de vorghe/sprokenen ridd(er)e van barnekowe eder ire / erfnamen vntwerren ghentzliken vnde / vriyen , Dath desse ding stede vn(de) vast bliuen , so hebbe wi dessen bref mit vse/me Ingheseghele tho orkꝟnde ghestede=/ghet Desser sake sint tꝟghe her Rot=/cher vse kaplan perrer sinte nicolaus tho / der wism(er), klaus van helpede vnde dide/rik klawe hinrik vse schriu(er)e vnde dar / tho vele bederuer lꝟde , Dith is gheschen / na der bort Godes Dusent Drehundert Jar / In dem ses vnde twintighisten Jare des ma/nendaghes vor mithuasten