Jn dem namen Godes amen Wi hinrik van der gnade godes herre tho meke=/lenborch stargherden vnde tho Rozstok / be kennen vnde tꝟghen in dessem ope=/nen breue vnde don witlik , alle den , / de dessen breef seen vnde høren , Dat wi vnd vse rechten eruen , mit wlbort // vnde witschap vser truwen man , vnde / ratgheuen , ouer en ghedreghen hebben / ghentzliken mit vsen leuen bederuen rat/mannen van der wismere , Dat men den / thol tho der wismere Also hir na be / schreeuen steyt , eweliken hoolden schal / Welik schippman sin seghel windet jn / dat krꝟtze , er denne he thollet heft / de schal dat betheren , vnd anders nen / man , allerhande vngherat scal ledich / vnde loos wesen , Al schipbrøke gut / schal ledich vnde loos wesen , vnde vriy / an allen enden vses landes , vnde de / gheene den dat gut høret de scholen / des ghebruken vriyliken , vnd ire rechten / erfnamen , Alle de tho der wism(er)e hering / køpen , vt tho vørende , de scholen dar / vore tollen , behaluen de vs denen mit / eneme verdekeden øise , eder wapene / voret tho bescherminge des menen lan/des , de møghen hering køpen vnd ut vø/ren tho irer køkene sunder thol . Vort/mer , we hering ouer se , seluen ghe/solten heft vnde den tho der wismere / bringet , de schal ene wech vøren sund(er) / thol wor he wil Vortmer schal men / nemen van der last heringes neghen vnde / twintich penninge Van der last ossen // hꝟde , eder groter hꝟde twe schil=/linge , Vnde van der last bukes hꝟde / twe schillinge Van jowelkeme deene(n) / de sin eghene brot it teyn penninge / behaluen den stꝟreman vnde matswen / vortmer de deenen schølen gheuen van / eneme punde honighes vier penninge / van eneme punde koppers vier pe(n)ninge / van ener pakken wandes vir penninge / van ener pakken lenwandes vir pe(n)ninge / vortmer Alle dꝟdische sciplꝟde sint se / nene børghere tho der wism(er)e schølen ghe/uen vor de last beeres ses penninge / vor dat punt honighes iiij penninge vor / dat punt kopperes vier pe(n)ninge , vor de / pakken wandes vier penninge , vor de / pakken lenwandes vier pe(n)ninge vnde / wat en krꝟtze , vor dem hønede heft / vier pe(n)ninge Vortmer de van Lꝟbeke / schølen vriy wesen ghelik vsen børgheren / van deme dat se mit schepen tho vøret / Also vriy schølen wesen de van Rozstok / vortmer alle de lꝟde vte driyer herren lan=/de schølen vriy wesen komende tho wa=/ watere ¹ vnde wech tho varende , au(er) and(er)e / børghere we de sin veerre eder na be=/seeten schølen van dem heringe tollen / gheuen Vortmer Alle de van ouer / Elue schølen gheuen van dem waghe=//ne vier pe(n)ninge , Van jowelken peerde / dat se køpet vier penninge van alle=/me vetten dinge , also is selsmer swi=/nen smor vnde talch , vor jowelk punt / vier penninge , De van hamborch schø/len lik wesen den van ouer elue , Alle / de holtzeten beyde børgh(er)e vnde lantlꝟ=/de schølen thollen gheuen like ghesten , / Vortmer de van Sweryn scholen ghe=/uen twe scillinge van der last heringes / efte de Staat tho der wismere des jars / ghift twe mark , Ghift se der nicht so schø/len se gheuen neghen vnde twintich pen=/ninge Vortmer van dem hundert stok=/uisches schalmen gheuen enen halue(n) pen=/ning , vor en hundert kalsuel vier pe(n)=/ninge , vor en hundert lodwar dat / sint beschorne scap[...] ² vier pe(n)ninge/ van dem sakke wullen vier pe(n)i(n)ge / Vortmer alle de van P(er)leb(er)ghe schølen / vriy wesen like den vsen Vortmer so / is hir nen dortol , behaluer de døringe alle/ne de schølen gheuen vor en peert dat / se køpet vier penninge , Jre waghen / schal gheuen vier pe(n)ninge , De karren / schal gheuen twe pe(n)ninge Vortmer de / sak heppen den men tho wat(er)e vøret , scal / nicht gheuen , Vortmer efte en kogge // efte en scip kumpt , seghelende ꝟmme lant / vor dat gut dat id inne heft schalmen / nicht tollen , Were auer dat de sciplꝟde / jn dat schip korn køften vt tho voren=/de , so scholen se gheuen vor iowelke me=/tene last achte penninge , vortmer efte / en schip queme seghelende in de hauene / vnde sin gut vorkøfte , eder gheue gut / vmme gut dat schal thollen gheuen , li=/ke der wijs efte dat gut in de staat / gheuøret were , vortmer so schal de / staat tho Righe vriy wesen komende / vnde wech tho seghelende , Also schal de / Staat tho Dantzeke ok vriy wesen , vn(de)/ de staat tho gotlande , vnde dat gantze / rike tho Sweden scholen ok vriy wesen / Hir enbouen , wenne also jn dessem bre=/ue steyt scal neman genighen thollen / nemen van neneme gude eder Lꝟden / weelker hande dat si , Vppe dat alle / desse stꝟkke an desseme benømeden tholle(n) , / stede vnde vast bliuen , noch van vs eder / vsen erfnamen eder nakømelingen ghe/broken werden So hebbe wi dessen / breef dar vp ghegheuen vnde beseghelt / laten mith vseme Jngheseghele Tꝟghe / alle desser dinge sint , her johan van bꝟ//lowe , her wypert lꝟtzowe vse marschalk her / eggert hardenakke , her diderik klawe , her klaus / van helpede riddere . hinr(ik) vse schriuere , her / johan rodekoghele her johan krøpelin , hinr(ik) / van rikquerstorp , gherd van slawestorp , an/dreas lasche mertin van strømekendorp eg=/gert van walm(er)storp , hinri(ik) howentort koort / reynoldes johan wyse hinrik syphusen , diderik / lasche hinrik klumpsiluer bernd volmer / hinrik kadowe lꝟdeke van mølue rat/manne tho der wissemere , vnd andere / vele bederuer lꝟde de ere werdich sin / Desse bref vnde hantueste is gheghe=/uen tho der wismere in dem iare na der / bort godes Jn dem ³ dusent Drehundert / Achtentwintich Jn dem daghe de hillighe(n) / krꝟtzes vor sinte micheles daghe