Jn deme Namen Godes amen . Wi cort von kremen / juries hasencop . herman von ortze . Bolte hasencop . wẏ=/pert lutzowe , johan van bꝟlowe . johan van plesse / hinrik van Barnekowe . Bertolt preen . Otte van / dewetze . heẏne manduuel , claus von helpede . / Goscalk storm . henrik von plesse . Eggert hardenac=/ke , riddere . henneke molteke en knape , beken=/nen vnde betuͦghen openbare in desser jeghenwor=/deghen schripht , dat von vseme hete vnde von / wolbehagende vnde von vseme rade dor nuͦt / willen vromen , vnde endrachticheẏt , vse jvnc-/herre alberth von Mekelenborgh vor koft heft / redelken vnde rechleken sinen hof mit deme torne / vnde mit deme berchvrede also he beleghen is vor / dem Mekelenborgher dore binnen der stat to der / wismere Den Ratmannen vnde der gantzen menheẏt von der suͦluen stat , vor dvsent mark / lꝟbeker penninghe de vsem vorbenomeden / ivncherren vor gulden sin , vnde gantzleken beta=/let also de breue betughet vnde spreket de dar / von gheschreuen vnde ghemaket sin , vnde beseghe=/let mit ingheseghelen des vorbenomeden / vses iunkherren , albrechtes van Mekelenborgh / vnde sines omes des akbaren greuen hinrikes / von zwerin , To ener betꝟghinghe dat desse // vorbenomeden dingh ghescheen sin mit vseme / rade vnde mit vser volborth so hebbe wi vse / ingheseghele vor desse ieghenwordighen schrift / ghehanghen . in deme iare na Godes bort in / deme dusensten , drehundersten vnde in den / neghenvnttwinteghesten . an deme andern / sunauende in der vasten .