JN deme namen der hilghen drevaldicheẏt . Amen / Alle den ghenen dar desse ẏeghenwardighe scrift / kumpt toͮ seende ofte toͮ horende si witlik , dat wẏ / broder Euerth van deme orden der brødere van de/me dꝟdeschen hvs vn(de) mester toͮ liflande . vn(de) bro/der wẏnant van deme seluen orden kvmmendvr / toͮ krauckowe bekennet ophenbare jn desser ẏeghen(n)/wardighen scrift . vn(de) betꝟghet . dat de akbare(n) wẏ/sen ratmanne van der stat toͮ der wismer // hebben ghe laten dor leue willen de se hebben toͮ vn/sem orden enen hof in erer stat toͮ der wismer / eweliken to beholdende vnde to besittende . mit alsoda/nem vnderschede vnde vorworden also hir na bescre/uen is . desse hof schal ligghen toͮ allem lꝟbeschen rech/te also de anderen møneke høue , de in erer stat bele/ghen sint . beschedeliken der møneke van doberan van / sunte berndes orden vnde van dem cẏsmer van svnte / van sv(n)teb(e)ned(ict)es orden . In deme seluen houe schøle wẏ / ofte ẏenich man na vns nicht buwen . dat der stat / schedelich si ofte ereme rechte . Ene capellen møte wy / wol dar inne bvwen vnde hebben . doch al ane / kerkhof . vnde al ghe buwete in deme seluen houe toͮ / buwende schole wẏ vnde vnse nakomelinghe bvwen / eweliken na rade vnde na wolbehaghende der seluen radmanne . wanne wẏ auer moghen hebben van d(er)/ seluen ratmanne ghnaden vnde willen enen kerk/hof to der vorbenomeden capellen so neme wẏ den / gherne . vnde anders schøle wẏ des nicht hebben / noch en møghen .. Vortmer . herren rittere ofte / andere personen schole wẏ nicht herberghen in de(me) / seluen houe . svnder alenen brodere van vnsem orden / de møte wẏ wol herberghen .. Vortmer in deme seluen houe scholen wesen vier brødere in toͮ wonende / vnde en kvmmendꝟre vnde nicht mer . de scholen we/sen endrachtich mit den ratmannen de vorbenomet / sint . vnde scholen vor de seluen ratmanne vnde vor ere / stat truweliken arbeẏden vnde rẏden ere werf dar it mo/ghelik is oppe der stat kost . worde ok de stat beleghet / des ghot nicht en wille . dar schole wẏ hølpe to doͤn . // also andere begheuene lꝟde de in erer stat wonen / vor ander plicht der stat toͮ donde schole wẏ gheuen / ẏowelkes ẏares to ẏowelkem sꝟnte mertens da=/ghe . Twe mark penninghe luͦbescher mꝟnte den / vorbenomeden ratmannen . so schole wẏ ok sten / brꝟgghe maken vmme den sꝟluen hof vnde bete/ren lik anderen børgheren . ok en schole wẏ ẏeni/ghen vnser nabure dar toͮ driuen dat se mit vns /høghere mꝟren denne ghlindes hoch . vortmer so schøle wẏ ofte vnse nakømelinghe den seluen hof ne/mende vorkøpen , vorsetten , vorgheuen , eder an ẏeni/ghen dinghen voranderen . wen al enen børgheren to / der wismer mit witschaph vnde mit volbort vnde / na rade vnde willen der seluen ratmanne toͮ der wismer / vortmer de seluen ratmanne vnde ere børghere schø/len sꝟnderlike vordernisse hebben van vns , vnde van / vnsen nakomelinghen . vnde van alle den ẏenen de dor / vnsen willen icht don vnde laten willen . vnde gheuen / in de ghnade . dat se in allen enden vnser lande scholen / mit vrede vnde mit ghe make vrẏ brꝟken svnder ẏe/nighes mannes hinder eres schipbrokenen ghoͮdes eder / it to lande drift . vortmer , so schole wẏ ofte vnse nako/melinghe in der stat toͮ der wismer eder in der sꝟluen stat vrẏheẏt eder rechticheẏt nenerhande woͮrde ofte / erue eder nenerhande akker ofte ẏnghelt ofte ghulde / kopen . jt en si mit mit witschap mit volbort vnde / mit willen der seluen ratmanne der stat toͮ der / wismer . . vppe dat alle desse wort vnde stvkke de hir/vore bescreuen stan vast vnde stede bliuen . vnde dar / nicht ghe menghes ofte twiueles ankome de seluen // stꝟkke ofte wort to hinderende an ẏenighen dinghen So / hebbe wẏ broder Euerth vnde broderwẏnant hir vorbe/nomet desse sꝟluen scrift heten screuen vnde ghema/ket van vnser weghene vnde vnses orden . vnde hebben / de ghe gheuen den vorbenømeden ratmannen beseghe/let mit vnser twier ẏngheseghele . jn deme ẏare na / der bort vnses heren Ghodes . dvsent ẏar drehundert / ẏar . jn deme dritteghesten ẏare . des midwekens in / den hilghen daghen toͮ paschen .