Wi Marquard van der gnade Godes Bẏschop / to raceborgh bekennen vnde don witlik al=/den ghenen de desse Breue horen vnde seen , dat / Wy mit den Ratmannen van der wẏsmer , / mit Rade vnde mit volborde , Hern Eghardes / des prouestes vnde aldes Capiteles vses Godeshu=/ses vmme dat Recht al der scholen Jn der wisz=/dreghen over eẏn , alsodane wẏs dat de vorspro=/kenen Radmanne scholen hebben eweliken al de / schole vrij vnde vmbeworen , dat se moghen , al de / scole lenen vnde be velen weme se willen , vp also/dan recht , dat se in eren breuen hebben dar to ghe=/ue wi , en al recht dat wi vnde vse godeshus / hebben vnde hebben mochten , Jn al den scholen van / genegherleẏe saken , vnde breuen , dar to hebbe wẏ de vornomende radmanne ghewẏset vnde / orlevet In der were al der schole vnde vor saken / al des rechtes vnde nuͦt dat vs vnde vsem godes=/husen mochte euene komen , van al den Breuen de / wẏ hebben vͦp dat recht der vorsprokenen schole , / de willekore wi In desser schrift , dat se eweliken / scholen bliven macht loos . vnde to ener betuͦghinghe / alder stuͦcke de hir vore ghescreuen sint dat de eweli=/ken vast vnde vntobroken bliuen , so is mit vnsem / Ingheseghele vnses Capitels Ingheseghel to Raceborgh / ghe henget to dessem Breue de is ghegheuen to / Raceborgh na godes Bort Dusend Drehunderd / vnde eẏn vntdrittich Jaar In dem hilghen avende / vnser vrowen der lateren