Vẏ albrecht van der gnade godes here to mekelenborch / to stargarde vnde to Rozstok bekennet oppenbare vnde / tvghet an desser ẏeghenwardighen schrift . Dat wy vrunt/liken vnde endrachtliken mẏt vsen Raadmannen to der wẏs/mer hebben ouer en ghe dreghen also dat nẏcht mer jo/den wen twe hysche in vser stad to der wẏsmer na desseme / daghe also desse breef ghe gheuen ist , scolen wonen vnde ẏn / nicht mer husen behaluen twe . vn(de) en yewelik hẏsche schal / wese en man vnde sẏn wẏf vnde ere kindere mẏd eren / knechten vnde megheden . Des scholen de sꝟluen twe hẏ/sche der joden vs vnde vsen erfnamen vn(de) nakomelingen ghe/uen ẏewelikes iares eweliken ver vnde twintich mark lꝟ/beker pe(n)ninge . vn(de) dar enbouen en schole wẏ se nicht be/schatten , weret auer also dat en hysche vor storue dat / andere hẏsche schal vs vul doon lyker wẏs also se beyde / leueden . Se scholen och bẏnnen vser stad to der wẏsmer / lyke vsen anderen borgheren to borgherrechte sitten . vnde / vsen Raadmannen ẏn der svluen vser stad horsam wesen // like eren anderen borgheren desser twier hẏsche schal en / wesen danẏs vnde mach to sik nemen dat andere hysche / von joden wen de svlue danys hebben wil . vp dat alle / desse uorbe screuenen dingk . stede . vast vn(de) gantz ewe=/liken bliuen vn(de) vntobroken des hebbe wẏ to ener oppen=/baren betꝟghinge vse ingheseghel ghe henget vor dessen / ẏeghenwardighen breef , de ghe gheuen is vnde ghe / schreuen to der wẏsmer in deme jare na der bord vsez / heren Dusend iar drehunderd jar in deme seuen vn=/druttighesteme iare , Des sundaghes vor vser vrowen da/ghe in der uasten beschedeliken also me sẏnkt . Oculi mei / semp(er) hir sint ouer ghe wesen Her Nicolaus von helpede / Her Hinrik von plesse vser riddere johan Rodecoghele vn(de) / johan kropelẏn borghermest(er)e to der wẏsmer vn(de) aller / anderer lꝟde nuͦch de truͦwe vn(de) ere ghewerdigh sin / to alle dessen dingen ghenomen vnde ghe beden