Vy raatmanne to der wismere oolt vnd nyge bekennen openba/re in desser schrift dat wẏ endrachtliken hebben ouer en/ghedreghen , na breuen vnd hantfesten vses heerren van / mekelenborch hern Albrechtes met deme vromen joden da/nyze dat wy den seluen joden hebben vntfanghen vnd / vntfaat in desser jeghenwordighen schrift to eneme vseme / bure vnd borghere , vnd dar to enen anderen joden we/ne de selue danyz to sik kesen wil . Also scholen de twe / joden mit jren wyuen . kinderen vnd jnghesinde wonen / in vser staat to der wismere vnder vseme vrede vnd bescherme like anderen vsen borgheren . In twen husen / vnd in nicht meneghereme huse wenne twe , de wyle dat // se leuen Na irme dode twe andere joden van jren erfname(n) / also dat der joden jo nich mer schal wesen wenne twe / hysche , , vnd desse seluen joden scholen nemen van / vsen borgheren van der mark dre pennenghe to wokere efte to rente . vnd nicht meͤr . wat dar beneden is dat scholen se vsen borgheren lẏkeliken keren met / wokere efte mit rente , , Worde auer genich pant / vnder den seluen joden anghesproken vor dufte efte / vor rof dat schal men van den joden losen vnde / vriẏn vor also vele dat se besweren willen , dat se dar hebben vpghedan doch sunder jenighen woker / efte rente , De seluen joden schollen ook waken vnde grauen lyke anderen vsen borgheren , vor andere plicht vs vnde vser staat to donde scholen se vs vnd(e) / vser staat gheuen jowelkes jares . Sesteyn maark / penninghe lubeker munte de seluen joden beyde . were / dat jr en afghinge de andere schal vor de Sesteyn mark / vs vnd vser staat jo volden Vppe dat alle desse stukke vast vnd stede bliuen So hebbe wy dessen breef den / seluen joden gheuen beseghelet met vser staat jnghese/ghele , des syn wẏ tughe . hinr(ik) rikq(ue)rstorp Johan Ro/dekoghele Gherd Slawestorp Johan kropelin Andreas / lasche borghermestere . Conrad hern Reynoldes . Mar/tyn stromekendorp Johan katzowe Eghard walm(er)storp / Hinr(ik) kadowe Nicol(aus) Rakowe diderik lasche wilkin / wiete Johan Vichele . Junes wittenbeke Hinr(ik) van der / zvlten , ẏwan van de klutze . vnd Johan mule Raatma(n)ne / to der wismere . dese breef is gheuen vnd schreuen / jn dem jaare na der boord vses heerre(n) dusent jaar / drehunderd jaar jn deme seueden vnd dritteghesteme / jare . jn deme daghe der hillighen apostele philippi vnd / jacobi .