Hirvmme bidde wy iuwes Rades . vns wart tu wetende dat en samelinghe was tuͦ den swarten broderen de hadde / maket vnser borgher en . de het hermen van stitinde de samelt de werkmest(er) van den ammeten dat mestendel . vn(de) wol sos / borghere(n) ofte achte , des be bededen de Ratmanne ene hermen vn(de) de werkmest(er) der ammete vn(de) borgh(er)e de dar wesen / hadden vn(de) escheden van en . wat men dar handelt hadde . dat se en dat segghen scolden bj eren eden , Des beden de werk/mest(er) vn(de) borghere . dat men hermen dat suluen segghen lete . went he were en mundich man . des sprak he dat he / des bekande . dat he se dar bebodet hadde vnde hadde aldus ghe seeghet . gy heren nu is tuͦ werende worde van / eneme bukeden papen vn(de) van menen lant luden . Dat min here van mekelenborgh sight ghe sterket hebbevn (de) / wille so stark hir in komen . dat he her dargherzowen . vn(de) tribz twe va(n) de borgher de vnghers vormu(n)der sint / vn(de) ok de ghene de left recht deden arghenwil . wat yn darvmme mitte dunket dat moghe gi prouen / des enwolden sight de ratmanne darane nicht noghen laten vnde escheden de werkmest(er) vn(de) borghere dat se spreken / scolden bj eren eden dat se segghen scolden wes he vorder sproken hadde teghen see den he be kant hadde . des be/ret he sight mit en vn(de) quam wedder tuͦ deme rade . vnde bekande wider, dat he ok ghe seghet en . dat dar / twidraght were in deme rade . vn(de) dat erer viue weren . aIse her hermen walmerstorp . h(er) johan katzowe her / drewes Bukowe her hermen cropelin herjohan wenttorp . de scolden des hebben mit mine(me) heren yeghen de rat/manne . vn(de) de menheyt vn(de) de anderen ratmanne meynliken . mit der menheyt . tegen minen heren mekelenb(or)g(er) vnde/de anderen vif Ratmanne . Inder stunde stunden de vif ratmanne vornomet vp vnde beden rechtes . vnde toghen des / tuͦ deme rade . dat der twidraght nicht en were . Des sprak en yewelk ratmann al vmme . dat se van nyner twidraght / vnder twischen wüsten . vn(de) nocht enweten . Des legeden en de Ratmanne daghe . in beyden siden . dat malk scolde enen / vorspraken nemen . se scolden eme ene tuͦsprake don . vn(de) scolde en antwarde don des quemen se vorden Rat vnde spr/ken claghe vn(de) antworde des en stoͮt he en so hoghe nicht tuͦ . also hoghe also se it anclaghet hadden . des spreken / de Ratmanne se wolden de guden lude horen de dar ouer hadden wese tuͦ den broderen . dar he desse rede scolde wed/der sproken hebben dat se bi eren eden scolden spreken . wat he dar scolde hebben sproken tegen see . des be reden / se sight vnde quemen wedder tuͦ den Ratmannen . vn(de) spreken al dus . se hopeden des . na deme dat it back wort / weren . dat se yight spreken drosten . des boden en de ratmanne dat se spreken scolden . bi eren eden . wat se hort / hadden . des spraken se aldus . Do se tuͦ den broderen were . dat hermen van stitinde aldus hadde sproken . dat eme / tuͦ wetende were worden . dat min here van mekelenborgh . hadde sight dartuͦ berecht . dat he wolde körnen in / de stad also stark . dat he wolde arghen her darghetzowen vn(de) tribus twe va(n) de borghere de vnghers vorrnu(n)/de weren . vn(de) andere borghere . vnde dat dar twidraght were in deme Rade . vnde dat de vif vorbenomeden / ratmanne wolden it holden mit mineme heren theghen de anderen ratmanne . vnde de anderen ratmanne . mit / der menheyt . dit tuͦ kerende . teghen minen heren . Vort heft he seeghet dat dit eme vt deme Rade were / tuͦ werende worde van her johan darghetzowen . vn(de) wolden wolden des eme nicht louen . des gheuen se eme enen / borgher meede . de het cruͦs . de dit mit eme horen scolde van her darghetzowen vn(de) queme(n) tuͦ eme nicht / vnde van eme horden se nicht . vn(de) he sede tuͦ en se scolden dit holden als ene bight . do her darghetzowe vor deme / Rade dit hordede stoͮt he vp . vn(de) vraghede hermen van stitinde . ift he de Reede hadde eme seeghet . do sede h(er)men / nen . he ne hadde anders nicht ghe seeghet . wen aldus dat he queme tuͦ her darghetzowen gande vnne laden / vn(de) vraghede h(er) darghetzowen ift he vight nighes wuste . do seede he nen . Do sede h(er)men wedder . ich wet / wol wat . nighes . da seede her darghetzowe . wat is dat . do sede h(er)men aldus mi is dat ghe seeghet dat / min here sight Sterke vn(de) wille komen in de stad . vn(de) wille yn vn(de) tribus twe . vnde vnghers vormundere / vn(de) andere borghere arghen . vn(de) vraghede hebbe gi des nicht ghe hort da sede her darghetzowe nen . do vraghede her darghetzowe ofte he it van jemede hir binnen hadde hort . Do sede hermen ia van me/nen luden men he wolde vorder vraghen . mank den luden . Do sede her darghetzowe aldus , duͦ ghude her/men . vraghe man den luden hir vnde dar . vn(de) is it dat du wat warheyt vornymft . so du itmi / yo tuͦ wetende do vraghede eme her darghetzowe ofte he eme de samelinghe hadde maket heten . Do / sede he nen . vn(de) hir en bouen be kande hermen , dat he it tu her darghetzowen . hadde bragt vn(de) he nicht / tuͦ em . De vorbenomeden vif ratmanne . vn(de) vorbenomede hermen . hebben ere vorbenomeden sake tu vns / ghe gan ane scheldent . hir bidde wj vmme yu vru(n)tliken . dat gi hir vns tu raden . wes hermen ghe / broket heft hir ane tegen desse viue vn(de) dar bouen teghen den rad vnde stad vn(de) des den yewardi/ghen ratmanne be richten willen wes hir ane broken si .