Wẏ alberd van der gnade godes h(er)tog(e) tu mekele(n)b(or)g . greue tu zwerin tu / starg(arde) vn(de) tu rozst(oke) here . bekennen vn(de) don wittelich al den ghene(n) de dessen bref / seen horen vn(de) lesen . dat wẏ mid voͦlbort vnser erfname(n) vn(de) na rade vser rat / gheuen hebbe(n) vorkoft vn(de) vorlaten vn(de) vorkope(n) vn(de) vorlate(n) in desser scrift / tu eme reddeliken kope vn(de) tu eme Rechten leene . dat ganze dorp tu bezan=/dorpe . vor drehundert mark vn(de) vif vn(de) druttich mark lubischer pe(n)ni(n)ghe / vnseme leue(n) ma(n)ne W(er)neken noẏdine vn(de) sine(n) rechten erfname(n) mid alme recht/te hogeste vn(de) sideste an hand an hals mid vriheẏt vn(de) eghene mid ack(er)e buet / vn(de) vnghebuet an weyde wat(er)e an wyscherie an molen an wische an holte /an busche . an torue vn(de) mid alme sineme tubehorende(n) alzo alz van oldes / ghelegen heft vn(de) licht an siner schede . alz wẏ dat hebbe(n) . vn(de) ghu(n)/nen eme vn(de) sine(n) erfname(n) dat he dit vorbenomede dorp . mid sine(n) tubehore(n)/de(n) vorkopen vorsette(n) vn(de) vorlate(n) mach . Were he edder sine erue(n) wille(n) / sunder tu geẏlikeit weͦlt . de wẏ sunderliken bi neme(n) . vn(de) den ghenen de(n) / he edder sine erue(n) dat gud setten edder vorkope(n) dem scal wẏ edd(er) vse / erue(n) datsulue dorp lenen mid alme eghendom alz hir vorscreue(n) is W(er)e / och dat Jeniman Wemeken edder sine erfname(n) in desseme vornomeden / goͮde hinde(re)n wolde . dar scole wẏ vn(de) vse

erfname(n) ene vn(de) sine erfname(n) / af vntfrien vn(de) leddegen . alz eyn land recht vt wyset Tu merer be/thughinghe . vn(de) bekantinge is vse jngesegel henghet in dessen bref / de gheue(n) vn(de) screue(n) is tu der wẏsmer na godes bort druttien hundert jar / indeme ene vn(de) sostigeste(n) jare . des negesten mane(n)daghes der hilge(n) / dreualdicheẏt. Tughe desser dingh sint her otte van dewitze . her / otte van helpede . ridd(er)e her alberd prouest tu dem nienklost(er)e Joh(ann)es / cropellin vnse kensel(er)e reymer van plesse hinr(ik) bulow vn(de) h(er)me(n) luttzow knape(n)

ẏ