Dit zint dy gene dy vor vestet zyn an jare do / her marquart mont voghet was tu dem ersten / male vor alle godeshilgendaghe . he(n)neke stermer / v(m)me blaw vn(de) blut dat he wratte an der raber / gheseen vnde toch er ere wyflike gewede af / vort tu wynachten gert boẏge vnde clawes / turrewaghen vnde henneke turrewaghen v(m)me mort / den ze deden by nacht slapender det Jn werker tu / der zuluen tyt . clawes turrewaghen vnde henneke / turrewaghen v(m)me dre blaw vn(de) blut dat se wrat=/ten an koneken vort mer clawes turrewaghen / vn(de) henneke turrewaghen vnde h(er)ma(n) mömt vnde / sconevi(n)nke v(m)me slachtynghe vnde . quade wort / dat ze deden an koneken vnde an dem andere(n) ma(n)ne / vort tu lichmisse(n) ghereke van dortmu(n)de v(m)me / dufte dat he stolen hadde sine(m) heren deme kannen/gheter hinrik van dortmo(n)de vor na mitvaste(n) / henneke varenholte vnde dyderik spilder v(m)me / lakene de se veer packen scleghen vnde stelen de / erem heren ¹ scipheren tuderghaghen De orvede dede / jureges pellemu(n)t dar louede vor johan leyge / vor [... in] wychma(n) sinyt tydeke vemerma(n) vnde / hinzeke vemerma(n) [Post festu(m) joh(an)es baptista] / bertolt ey(m)me(n)dorp v(m)me blaw vn(de) blut vnde / v(m)me vele quader wort dat he dede greten / werner hoseken maghen vort tu wynachten / balkervisse dat he v(m)me henneken² bertoldes setuch vnde / euenut erghen vn(de) mit order

Hyneke Hor(n)esghels vnde gheselle de hebbet / de setter vor sworen vort mer / Metteke de heft de stat vor sworen / v(m)me cwy badelaken dat se stal by ereme h(er)re // wez dar af w(er)den mach dar scal he zin / del an hebben

A(nno) domini 1374