Anno lxxxvijo Sequenti die b(ea)te marie magda(le)ne. /

Peter crogher . en beckerknecht . is veruestet . dar / vmme . dat he wichmanne enem schoknechte hefft / anghe wrocht ene lemede vn(n)d heft em ghe / nomen mid welde vn(n)d mid wolde . sinen rok . dar . / he mede verwunnen is . mid alleme rechte in der . / ẏeghenwardicheit her peter stromkendorpes vn(n)d / her johan muͦdwillen /

Vorwerk vn(n)d sin knecht . sint veruestet . dar vmme dat / se warendorpe vn(n)d spikernaghele . vn(n)d hans heghere . sloghe(n) / mid ener quaternen [?] den cop en tweẏ . dar se mede worde(n) / ghe ẏaghet . van eren hoykene(n) vn(n)d van eren mesten jn der . / yeghenwardicheit myner heren vorscreuen /

Mathias van grewesmolen is veruestet dar vmme dat / he Rughe hanse heft an ghe wracht . blut vn(n)d blau in de(n) / prame /

ghercke ghildemester is veruestet ¹ henneke haghenow / bertold drẏspet vn(n)d claus wyss bodekere . sint ver/uestet dar vmme dat se henneke hoppenere hebben / an ghewrocht en vulcomene wunde an nachtslapener / deet mid ener samedenhant //

Konneke pluckebrade is veruestet dar vmme dat he / rouet hans wulue vn(n)d zin wyf vn(n)d sine rinder ² vn(n)d [...] / ghenomen ere hoykene zwerd budelrouw doͮke vn(n)d [...] / binnen deme lanturede /

Hermen vn(n)d lywolt brudere gheheten van orze to wuͦse[...] / sint veruestet dar vmme dat se merten wiscuren spro[...] / to vele quader wort vn(n)d negheden em to egghe vn(n)d ort [...] / vn(n)d wolden ene dot hebben slaghen do he se manede vmme / sine schulde /

Werneke grustake is veruestet dar vmme dat he / tilzeken runt vor deme erse . heft ghe worpen med eneme / meste de lywen en tweẏ in der yeghenwardicheit mẏner / heren vorscreuen /

Merten gustekow is voruestet dar vm(m)e dat he heft / Gydeken gelt van stytende vp gheboret myd welde vn(n)d myd / woelt . alzo alze he deme rechte vntweken is des tydeke myd / alleme rechte recht ghe worden is in der ieghenwardecheyt / her pet(er) st(r)omekendorpes vn(n)d her johan modwyllen /

Henneke van bulow myd dem enen oghe is voruestet / dar vm(m)e dat he claus bullen heft an ghewrocht ene / vvllenkomene wunden an mynes heren vrighen straten / vn(n)d myd eme nichten wiste wenne ghuͦth . in der je=/ghenwardecheit myner heren vorbenom(ed) /

Eggerd bybow is voruestet dar vm(m)e dat he / sculten de(n) wullenweuere af gherauet heft sin are(m)borst / vn(n)d blut vn(n)d blawe an ghewrocht heft in der ieghe(n)=/wardecheit myner heren wv vorbenom(ed)