[Anno d(o)mini M CCC xcij fe(ria) quinta post dinisione(m) ap(postol)or(um)]

hinr(ic) / heldẏsere(n) heft ghelouet vnd(e) swore(n) en orveyde vor boren / [...] vor vnnebore(n) to tohauende(n) tyden sunder jenegher=/leye arghelist . deme godes huze van dobberan vnd(e) den / vorestendere(n) des sulue(n) godeshuses beleghen in mynes he(re)n / gude vnd(e) buten mynes here(n) lande nu(m)mer mer to ar=/ghende myt worden edder myt werken . alze v(m)me de / schelinghe de broder ludeke vnd(e) sine hulpere van des / godes huses weghen van doberan . dar heft ouer weze(n) / her werner axkowe Rydder . vnd(e) Johan Botcher vnd(e) / Curd van pascham borghere to der Wysm(er) . van der ene(n) / syden . vnd(e) Johan lyscow(er) vnd(e) jacob stromekendorp . vnd(e) / Tideke berstorp van der andere(n) syde , alle desse vorsc(reue)nen stucke loue ik hinr(ic) heldẏsere(n) myt mynen medelouere(n) / alze Claus horn . vnd(e) henneke struk . Curd nyendorp myd / ener samedenhand dem godes huse van dobberan vnd(e) / de(n) vorstendere(n) stede vnd(e) fa ¹ vast to holdende to tokomende(n) / thyden . hir heft ouer wezen her Johan daresowe vnd(e) / her Marquard bantzbow(e) . her Johan tucheswerd borghermest(er)e / to der wysm(er) vnd(e) her drewes by der muͦre(n) vnd(e) her / Curd buck voghede to der Wẏsm(er) //

[Jsti ... knechte beyde]

Do henneke hardenacke stunt to deme boltze by dem vuͦre vnde / sede dat he der wysm(er) wolde vntseggen do sede gumperd dat were / alzo wol dan alze laten . vnde bruneke van reddichstorpe de sede id / were alzo wol ghe daen ² laten alze daen /

[Jsti ... int(er)fuit]

Jn p(ri)mo henneke scutte brunẏnghes knecht van Reddechstorpe / to muͦstẏn vnd(e) holtste de nemen den koͤlren ere perde // [...] van deme horne des van tzulen knecht van boẏtzen=/borch vnd(e) holste de nemen ener vruwen by beyghendorpe en ere wandes . /